Тус сургуулийн номын сан нь 2011 оны 11 сарын 28-д сургууль анх байгуулагдахад үүсгэн байгуулагдсан. 
Анх сургуулийн номын сангийн сан хөмрөг нь:
- 2011 оны 11 сарын 23-нд олон улсын хөтөлбөрийн 1264ш сурах бичиг
- 2011 оны 12 сарын 12-нд олон улсын хөтөлбөрийн 55ш сурах бичгээр баяжигдаж байсан түүхтэй.
Сургуулийн номын сангийн уншлагын сан хөмрөгийг бий болгохын тулд анги хамт олон сурагчид, багш ажилтнуудын дунд “Номын хур” 14 хоногийн аян зарлан явуулж нийт 232ш хичээлээс гадуурх уншлагын номын сантай болж байсан түүхтэй.
Одоо тус номын сангийн сан хөмрөг нь:
- Үндэсний сурах бичиг-5496ш
- Олон улсын сурах бичиг -3425ш
- Номын сангийн сан хөмрөг-2399ш нийт 11320ш номтой үйл ажиллагаагаа явуулж байна.
Үндэсний сурах бичгийг Анги удирдсан багш нараар нь дамжуулан сурагчдад олгож байна.Сурагчид хичээлийн жилд номын сангаас үндэсний сурах бичгийг үнэ төлбөргүйгээр ашиглаад 6 сард эргүүлэн номын санд /АУБ/-даа хураалган өгдөг.
БСШУСЯ-ны харьяа, олон улсын хөтөлбөрийн сургалттай “Шинэ эхлэл”лаборатори сургуулийн захирлын 2017 оны 8-р сарын 31 -ны өдрийн А/24 тоот тушаалын 1-р хавсралтаар “НОМЫН САНГААР ҮЙЛЧЛҮҮЛЭХЖУРАМ”, 2-р хавсралтаар “СУРАХ БИЧГИЙН ТҮРЭЭСИЙН ЖУРАМ”, 3-р хавсралтаар “СУРАХ БИЧГИЙН ТҮРЭЭСИЙН ҮНЭ” батлагдсан журмыг үйл ажиллагаандаа мөрдлөг болгон ажиллаж байна.
БСШУСЯ-ны харьяа, олон улсын хөтөлбөрийн сургалттай “Шинэ эхлэл” сургуулийн захирлын 2017 оны 8-р сарын 31 -ны өдрийн А/24 тоот тушаалын 2-р хавсралтаар “СУРАХ БИЧГИЙН ТҮРЭЭСИЙН ЖУРАМ”-ын дагуу олон улсын сурах бичгийг тухайн сурагч бүр түрээсээ төлж өөрсдийн нэр дээрээ авдаг. Түрээсийн журманд заасны дагуу тухайн сурах бичгийн үндсэн үнийн 25%-иар тооцож түрээсийн үнийг тогтоодог. Түрээсийн төлбөрийн зохих хувийг нь шинэчлэгдсэн хөтөлбөрийн дагуу хэвлэгдэн гарсан олон улсын сурах бичиг худалдан авахад зарцуулдаг.
Манай сургуулийн номын сан 2017-2018 оны хичээлийн жилд сурах бичгийн түрээс, сургуулийн санхүүжилтээр -7.600.000 төг-ийн сурах бичиг захиалан авч сурагчдад хэрэглүүлж байгаа бол 2018-2019 оны хичээлийн жилд сурах бичгийн түрээс, сургуулийн санхүүжилтээр- 9.987.000.000 төг-ний шинэ сурах бичгийг захиалаад байна.
Номын сан нь уншлагын 1 танхимтай тус бүр 20 хүний суудалтай 54 м.кв талбайд үйл ажиллагаагаа явуулж байна. БСШУЯ-ын сайдын 2001 оны 180-р тогтоолын дагуу олон улсын Дьюгийн аравтын ангиллаар номоо ангилан, фонд, каталогоо зохион байгуулдаг.
Номын сан Lib4U программыг үйлчилгээндээ ашиглаж байна. Уншлагын танхимдаа интернет холболт бүхий иж бүрэн 6 компьютертэй.
Уншигч сурагчид болон багш нарын гар дээр жилд ойролцоогоор нийтдээ 1960 гаруй олон улсын сурах бичиг болон монгол сурах бичиг, гэрээр ном олгох тасгаар жилд давхардсан тоогоор 1300ш уншлагын ном уншигчийн цахим картаар олгогддог.
Мэргэжлийн багш нарын санал, захиалга, уншигчдын эрэлт хэрэгцээнд тулгуурлан үндсэн сургалтын болон холбогдох бусад номыг худалдан авч фонд баяжилт хийдэг. Мөн тогтмол хэвлэлийг улирал бүр захиалан авч байна.
Сургуулийн номын сан нь уншигчдад ном хэвлэл, сурах бичгээр үйлчлэхээс гадна ном хэвлэлээр дамжуулан сурагчдад соёл олон түмний ажлуудыг зохион байгуулан явуулдаг.
Үүнд:
“Ном унших сайхан” аян Аяны үеэр:
- Явуулын номын сан ажиллуулах
- “Ухаарлаас ургасан навч” хэлэлцүүлэг хийх, ном захиалгын ажиллагаа явуулах зэрэг олон сайхан ажлууд зохион байгуулан явууллаа. Мөн Номын клуб байгуулан ажилладаг ба клубын үйл ажиллагааг эрчимжүүлэн анги бүлгүүдэд гишүүн сурагчдаараа ном унших арга барил, уншсан номоо хэрхэн ашиглах талаар илтгэл, харилцан ярилцлага хийлгэлээ.
“Номын богц аян” шилдэг уншигч гэр бүл шалгаруулалт
Эцэг эх, сурагчдын дунд ном унших хөдөлгөөн өрнүүлэх, гэр бүлээр нь уншигч болгох зорилгоор “Номын богц” аяныг зохион байгуулан явууллаа.
Номын богцонд:
- Мэндчилгээ
- Эцэг эх унших ном
- Сурагч унших ном, санал хүсэлтийн дэвтэр зэргээс бүрдэх ба сурагчдын санал болгосны дагуу хоногоор аялуулж байна.
“Хүрэл тулга” яруу найргийн наадам
НУЗАН –тэй хамтран “Хүрэл тулга”яруу найраг, уран уншлагын уралдааныг зохион байгуулан явууллаа
“АХА” танин мэдэхүйн асуулт хариултын тэмцээн
Монгол ахуй, аж амьдрал, ёс заншлын тухай мэдэх, бусдад сурталчлах зорилгоор явагдсан АХА тэмцээн амжилттай явагдлаа. Тэмцээнд 9-12 ангийн сурагчид оролцсон ба нийт 76 сурагч оролцлоо.
“Би чадна” шүлгийн уралдаан
Сурагчдын ой тогтоолтыг сайжруулах, хүүхэд бүрийн заавал цээжлэх 10 шүлгийг цээжлэн уран тодоор уншиж сурах арга барилыг төлөвшүүлэх зорилгоор явагдсан “Би чадна” шүлгийн уралдааныг амжилттай явууллаа.