Карл попперын мэтгэлцээний аварга шалгаруулах тэмцээн

Нийслэлийн Иргэдийн Төлөөлөгчдийн Хурал, Нийслэлийн гэмт хэргээс урьдчилан сэргийлэх ажлыг зохицуулах салбар зөвлөл, Нийслэлийн Боловсролын газар, “Эерэг тэмүүлэл” НҮТББ / Эртэч Монгол/, Монголын Карл Попперын Мэтгэлцээний нийгэмлэг хамтран зохион байгуулсан, “UB Debate 2025” хөтөлбөрийн ЕБС-ийн багш, суралцагчдын Карл Попперын мэтгэлцээний аварга шалгаруулах тэмцээн 12-р сарын 09, 10-ны өдрүүдэд амжилттай болж, дүнгээ гаргалаа. Тус тэмцээнд нийслэлийн 45 сургуулийн суралцагчдын 45 баг болон багш нарын 9 баг оролцож, нийт 162 оролцогч хамрагдлаа.

 

Суралцагчдын тэмцээний тэргүүн байранд Шинэ Эхлэл сургуулийн 12А ангийн Э.Намуунаа, 12Б ангийн Т.Халиун, Н.Энхжин нарын бүрэлдэхүүнтэй “Кайзен” баг шалгарлаа.

 

Амжилттай оролцсон суралцагчдадаа баяр хүргэж, улам их амжилтыг хүсье.

Мэтгэлцээн бол өрсөлдөөн бус соёл юм.