“Өвлөн суралцъя 2026” төсөлт хичээл
Монгол улсын яаралтай хамгаалах шаардлагатай соёлын биет бус өвийг судлах, соёл, өв уламжлалаа хадгалж, түгээн дэлгэрүүлэх үйлсэд өсвөр үеийнхний оролцоог нэмэгдүүлж, хөгжүүлэх зорилгоор 2025-2026 оны хичээлийн жилд “ӨВЛӨН СУРАЛЦЪЯ 2026” төсөлт хичээлийн хөтөлбөрийг Соёлын Өвийн Үндэсний Төв болон Байгалийн түүхийн музей / Natural history museum – тэй хамтран зохион байгуулан, амжилттай хэрэгжүүллээ. 2026 оны 03 дугаар сарын 19-21-ний өдрүүдэд Олон Улсын Хүүхдийн Найрамдал Цогцолборт VI–XII ангийн суралцагчдын төслийн ажлыг түгээн дэлгэрүүлэх тайлант тоглолтын үйл ажиллагаа амжилттай зохион байгуулагдлаа.
Мөн XII ангийн “Үндэстний хувцас, эдлэл” сэдвийн хүрээнд хийгдсэн төслүүдийн шалгаруулалт болж, шилдгийн шилдэг төслөөр Ж.Батхишиг чиглүүлэгч багштай “Торгууд үндэстний хувцас, эдлэл” төсөл шалгарлаа. Яаралтай хамгаалах шаардлагатай соёлын биет бус өвийг судалж, түгээн дэлгэрүүлэх үйл ажиллагаа нь суралцагчдад үндэсний бахархал, өв соёлоо хадгалан хамгаалах ухамсрыг төлөвшүүлэхийн зэрэгцээ судалгаа хийх, задлан шинжлэх, бүтээлчээр сэтгэх чадвар, багаар ажиллах болон харилцааны ур чадвар, ёс зүйн хүмүүжлийг олгох ач холбогдолтой билээ. Төсөлт хичээлийн хөтөлбөрийн үйл ажиллагаанд амжилттай оролцсон төслийн багууд, чиглүүлэгч багш нартаа баяр хүргэж, амжилт хүсье. Дэмжин оролцсон багш, ажилтнууд, эцэг эх, асран хамгаалагчдадаа талархал илэрхийлье. Мөн энэхүү үйл ажиллагааг зохион байгуулахад бүхий л зүйлээр тусалж, дэмжиж байсан Олон Улсын Хүүхдийн Найрамдал Цогцолборын хамт олонд гүн талархал илэрхийлье.Төсөлт хичээлийн видео
VIII-XI АНГИЙН ТӨСӨЛТ ХИЧЭЭЛИЙН ТАЙЛАНГИЙН ҮЙЛ АЖИЛЛАГАА
Тус хөтөлбөрийн хүрээнд VIII-XI ангийн суралцагчдын тайлангийн үйл ажиллагаа 2026 оны 03-р сарын 17-ны өдөр Байгалийн түүхийн музей / Natural history museum – д боллоо. VIII-XI ангийн БАЙГАЛИЙН БОЛОН САВ ШИМ ЕРТӨНЦИЙН ТУХАЙ МЭДЛЭГ, ЗАН ҮЙЛ айн хүрээнд ШИЛДГИЙН ШИЛДЭГ төслөөр:– Б.Өлзий Орших чиглүүлэгч багштай 8Б ангийн “Эмийн ургамлыг ашиглах монгол ухаан”,
– Ж.Мөнхсайхан чиглүүлэгч багштай 9А ангийн “Монголын уламжлалт хүнд, шингэний хэмжүүр”,
– С.Сүнжигмаа чиглүүлэгч багштай 10Б ангийн “Бэлчээрийн өвс, ургамал шинжих ухаан”,
– А.Долгорсүрэн чиглүүлэгч багштай 11А ангийн “Ой хээрийн ан, амьтдын мөр шинжих” төслүүд тус тус шалгарлаа.
Төсөлт хичээлийн хөтөлбөрийн үйл ажиллагаанд амжилттай оролцсон төслийн багууд, чиглүүлэгч багш нартаа баяр хүргэж, амжилт хүсье. Мөн дэмжин оролцсон багш, ажилтнууд, эцэг эх, асран хамгаалагчдадаа талархал илэрхийлье.Төсөлт хичээлийн видео
VI-VII АНГИЙН ТӨСӨЛТ ХИЧЭЭЛИЙН ТАЙЛАНГИЙН ҮЙЛ АЖИЛЛАГАА
Тус хөтөлбөрийн хүрээнд VI-VII ангийн суралцагчдын тайлангийн үйл ажиллагаа 2026 оны 03-р сарын 16-ны өдөр Баянгол дүүргийн Соёл урлаг, Ёслол хүндэтгэлийн ордонд боллоо. АРДЫН ЯЗГУУР УРЛАГ /бий биелгээ/ айн хүрээнд ШИЛДГИЙН ШИЛДЭГ төслөөр:– О.Ганчимэг чиглүүлэгч багштай 6А ангийн “Баяд бий биелгээ”,
– Б.Бумжаргал чиглүүлэгч багштай 7А ангийн “Захчин бий биелгээ” төслүүд шалгарлаа.
Амжилттай оролцсон суралцагчдадаа баяр хүргэж, амжилт хүсье. Мөн дэмжин оролцсон багш, ажилтнууд, эцэг эх, асран хамгаалагчдадаа талархал илэрхийлье.Төсөлт хичээлийн видео
NBMUN НҮБ-ын ЗАГВАР ХУРАЛДААН
Дэлхий нийтийн асуудлыг шийдвэрлэхэд суралцагчдын оролцоог нэмэгдүүлэх, тэдний манлайллын чадварыг хөгжүүлж, хамтарч ажиллах, шүүмжит сэтгэлгээг төлөвшүүлэх зорилгоор Шинэ эхлэл Нэгдсэн Үндэстний загвар хуралдааныг 4 дэх жилдээ 11-12-р ангийн суралцагчдын дунд зохион байгууллаа.
Энэ хурал нь НҮБ-ын Аюулгүйн зөвлөл – UNSC, НҮБ-ын Мансууруулах бодис гэмт хэрэгтэй тэмцэх алба – UNODC, Нийгэм Эдийн засгийн хороо – ECOSOC, Түүхэн асуудлын хороо – UNHCC, Нийгэм хүмүүнлэг, соёлын хороо – SOCHUM гэсэн бүтэцтэйгээр 40 гаруй орны 66 төлөөлөгч 6 сэдвээр өөр өөрийн улс оронд тулгамдаад байгаа асуудлыг шийдвэрлэх талаар хуралдсан бөгөөд суралцагчид маань 100 хувь өөрсдөө зохион байгуулдаг онцлогтой билээ.
Амжилттай зохион байгуулсан болон идэвхитэй оролцсон суралцагчдадаа баяр хүргэе. 
