UB Robot Challenge 2026
Хүүхэд залуучуудад технологийн суурь мэдлэг олгох, инновацын соёлыг түгээн дэлгэрүүлэх, техник сэтгэлгээг хөгжүүлэхэд дэмжлэг үзүүлэх, техник технологийн дэвшилтэй танилцах, багаар ажиллах чадварыг нэмэгдүүлэх зорилготой “UB Robot Challenge 2026” тэмцээнийг Нийслэлийн Боловсролын газар, Нийслэлийн Бизнес инновацын газар, Монголын Роботын Боловсролын Нийгэмлэгээс (MonRobot Education Association) хамтран Улаанбаатар дахь Канад сургууль (Canadian School of Ulaanbaatar) дээр зохион байгууллаа. Тус тэмцээнд “Шинэ эхлэл” ОУХСС-иас “Шугам дагадаг робот”, “Лего сумо”, “Робот регби”, Дроны төрлүүдэд 20 суралцагч амжилттай оролцлоо. Автомат удирдлагатай Дроны төрөлд 6А ангийн суралцагч Б.Сайханбилэг, У.Ананд нарын бүрэлдэхүүнтэй “Flying Dutchmen” баг алтан медаль 
хүртлээ. Мөн “Шинэ эхлэл” ОУХСС сүүлийн нэг жилийн хугацаанд дрон, роботын тэмцээнүүдэд үзүүлсэн амжилтаараа бүх сургуулиудаас 3-р байранд 
эрэмбэлэгдэж, Erkhet Travel /Эрхэт Травел/ компаниар, 1,000,000 төгрөгөөр үйлчлүүлэх эрхийн бичгээр шагнууллаа. Амжилттай оролцсон багш, суралцагчдадаа баяр хүргэж, улам их амжилтыг хүсье.
