“Сэлэнгэ Робо 2026” робот технологийн сургалт, тэмцээн
Хүүхэд залуучуудын инженерчлэл, технологи, шинжлэх ухааны мэдлэг, чадвар, хандлагыг хөгжүүлэх зорилготой “Сэлэнгэ Робо 2026” робот технологийн сургалт, тэмцээн Сэлэнгэ аймгийн Сүхбаатар суманд 7 сарын 18-наас 20-ны өдрүүдэд амжилттай зохион байгуулагдлаа. Тус үйл ажиллагаанд БНСУ-ын Сөүл хотын ахлах сургуулиуд, ОХУ-ын Хиагт хотын ЕБС-иуд, олон улсын хөтөлбөрийн сургалттай “Шинэ эхлэл”, “Шинэ эрин”, “Монгол тэмүүлэл” сургуулиуд, Сэлэнгэ аймгийн ЕБС-иудын багш, ажилтан, суралцагчид оролцлоо. Робот технологийн тэмцээнийг автомат удирдлагатай роботын төрлөөр зохион байгуулж, дүнгээ гаргалаа. Суралцагчдыг 25 багт хуваасан бөгөөд нэг багт БНСУ-ын ахлах сургуулийн нэг суралцагч, Хиагт хотын ЕБС-иудын нэг суралцагч, олон улсын хөтөлбөрийн сургалттай сургуулийн нэг суралцагч, Сэлэнгэ аймгийн ЕБС-иудын хоёр суралцагч багтсан болно. Тус тэмцээнд “Шинэ эхлэл” ОУХСС-ийн 10Б ангийн суралцагч М.Мөнхтэмүүлэн ахлагчтай баг амжилттай оролцож, 3-р байранд шалгарлаа. Амжилттай оролцсон багш, суралцагчдадаа баяр хүргэж, улам их амжилтыг хүсье. Мөн дэмжиж оролцсон ажилтнууд болон эцэг эх, асран хамгаалагчдадаа талархал илэрхийлье.
