Эко аялал 2026
“Шинэ эхлэл” ОУХСС-ийн уламжлалт “Эко аялал 2026” үйл ажиллагаа амжилттай боллоо. Тус үйл ажиллагааны хүрээнд суралцагч, багш, ажилтнууд болон эцэг эх, асран хамгаалагчдын төлөөллүүд Гачууртын байгалийн үзэсгэлэнт бүсэд эко аялал хийж, нэг өдрийг цэвэр агаарт, хөгжилтэй бөгөөд дурсамж дүүрэн өнгөрүүллээ. Аяллын үеэр суралцагчид багаар ажиллан майхнаа өөрсдөө барьж, хоол ундаа өөрсдөө бэлтгэн, байгальд зөв боловсон аялах, бие даах, хамтран ажиллах чадвараа бодитоор хөгжүүлэв. Мөн суралцагчдын дунд олон төрлийн хөгжөөнт тэмцээн, багийн тоглоом зохион байгуулагдаж, тэд авхаалж самбаа, хурд хүч, багаар ажиллах чадвараа сорин идэвхтэй оролцлоо. Энэхүү эко аялал нь суралцагчдад анги танхимаас гадуур байгальтай ойр байж, найз нөхөдтэйгөө хамтран ажиллахын зэрэгцээ бие даах чадвар, хариуцлага, нөхөрлөлийг бэхжүүлэх сайхан боломж боллоо. Байгалиа хайрлая, орчноо хамгаалъя, дурсамжаа хамтдаа бүтээе!
October 4, 2026 @ 7:46 pm
Ийм төрлийн эко аялал хүүхдүүдэд байгальтай ойр байж, багаар ажиллах болон бие даах чадвараа хөгжүүлэх сайхан боломж болдог байна. Ялангуяа майхнаа өөрсдөө барьж, хоолоо бэлтгэсэн нь сонирхолтой санагдлаа. Ийм дурсамжтай үйл ажиллагаа улам олон зохион байгуулагдаасай гэж хүсэж байна.