Newbeginning

About Newbeginning

https://www.newbeginning.edu.mn

Posts by :

275380495_5188719604494510_6649647236439869512_n

March 4 2022

“Эко сургууль” хөтөлбөр

Дэлхий нийтийн тогтвортой хөгжлийн 17 зорилго, “Алсын хараа-2050” Монгол Улсын урт хугацааны хөгжлийн бодлого, аймаг/нийслэлийн ногоон хөгжилд суурилсан хэтийн зорилт, дунд хугацааны бодлогын баримт бичгийн хэрэгжилтийг хангах, ногоон хөгжил, тогтвортой хөгжлийн боловсролыг түгээн дэлгэрүүлэх, ISO14001 стандартад суурилсан Олон улсын Эко сургууль/цэцэрлэг хөтөлбөрийн #Үндэсний_VI_дахь_чуулган амжилттай зохион байгуулагдаж, #Шинэ_эхлэл сургуулийн хамт олон 2021 онд олон улсын “Эко сургууль” хөтөлбөрийг амжилттай хэрэгжүүлсэн амжилтаараа #Мөнгөн_гэрэгэ өргөмжлөл гардан авлаа.

#New_Beginning_International_School

274971923_5168987979801006_5687352382255194590_n

February 28 2022

Олон улсын “Owlypia” олимпиад

Newbeginning Мэдээ 0

“Шинэ эхлэл” сургуулийн 6 дугаар ангийн суралцагчид олон улсын “Owlypia” олимпиадад “Утга зохиол ба соёл” сэдвийн хүрээнд оролцож, 1 алт, 5 хүрэл медалийн болзол ханган ТОП гүйцэтгэлтэй суралцагчдын тоонд багтлаа. Хайрт хүүхдүүддээ халуун баярыг хүргэе. Мөн бэлтгэн оролцуулсан Б.Золзаяа багшдаа баяр хүргэе.

February 24 2022

Ажлын байрны зар

Newbeginning Зар 0

“Шинэ эхлэл” олон улсын хөтөлбөртэй, төрийн өмчит сургууль дараах ажлын байрны сонгон шалгаруулалтад урьж байна.

1. Бичиг хэргийн ажилтан

December 31 2021

Мэндчилгээ

Newbeginning Зар, Мэдээ 0

“Шинэ эхлэл” олон улсын хөтөлбөрийн сургалттай сургуулийн үйл ажиллагааг үргэлж дэмжин тусалдаг эцэг эх, асран хамгаалагчид, багш, ажилтнууд, суралцагчид, хамтран ажилладаг байгууллагууд болон хувь хүмүүст шинэ жилийн баярын мэнд хүргэж, аз жаргал, амжилтын дээдийг хүсэн ерөөе.

265857493_4878217262211414_1770008117317452635_n

December 10 2021

Ханзны бичлэгийн онлайн уралдаан

Newbeginning Мэдээ 0

“MBG” боловсролын төвөөс цахимаар зохион байгуулсан ханзны бичлэгийн уралдаанд амжилттай оролцож, тэргүүн байр эзэлсэн 11б ангийн сурагч Б.Бямбадэмбэрэлдээ баяр хүргээд, цаашдын суралцах үйлс нь арвин их амжилттай байхыг хүсэн ерөөе.

264768353_4679670505443029_3080229790867670783_n

December 9 2021

“Хүний эрх, эрх чөлөө” зургийн үзэсгэлэн

Newbeginning Мэдээ 0

“Шинэ эхлэл” ОУХСС Олон Улсын Хүний эрхийн өдрийг угтан “Хүний эрх, эрх чөлөө” зургийн үзэсгэлэн гаргалаа.

Монголын Эмнести Интернэшнл шог зураачидтай хамтран жил бүр “Хүний эрх, эрх чөлөө” шог зургийн үзэсгэлэн зохион байгуулдаг билээ. Уг үзэсгэлэнгийн зорилго нь хүн бүр эрхээ мэдэн хариуцлагаа ухамсарладаг, бусдын эрхийг хүндэлдэг соёлыг бий болгох, Ковид-19 цар тахлыг хүмүүнлэгээр даван туулахад хувь нэмрээ оруулах, мөн хүний эрхийн асуудлыг хөндсөн Монголын шог зургийн бүтээлүүдийг хамгаалах, хадгалах, үзэсгэлэнгийн бүтээлийг Монголдоо төдийгүй дэлхийн хүртээл болгох явдал юм.

November 28 2021

Мэндчилгээ

Newbeginning Зар, Мэдээ 0

Олон улсын хөтөлбөрийн сургалттай “Шинэ эхлэл” сургууль гэсэн нэрээр овоглож, сургуулийнхаа босгыг хөөр баяр дүүрэн алхсан шавь нараа хүлээж авснаас хойш 10 жилийн түүхийг бид та нартайгаа хамт бичлээ. Сургуулийнхаа нэрийн хуудас болж, ололт амжилтын эзэд нь байж, улс орны олон салбарт ажиллаж, амьдарч байгаа болон гадаад дотоодын их сургуульд амжилттай суралцаж сургуулийнхаа түүхийн хуудсын чимэг болсон шавь нарынхаа мэндчилгээнд саатан морилцгооё.

254302693_4798926743473800_3941978877597141409_n

November 16 2021

“Spelling Bee – 2021” Англи хэлний уралдаан

Newbeginning Мэдээ 0

ГХЗАН-ээс уламжлалт “Spelling Bee” уралдааныг Англиар үсэглэх болон зөв бичих чадварыг сайжруулах зорилгоор 2021.10.29-11.11 өдрүүдэд 6-7 дугаар ангийн суралцагчдын дунд 3 үе шаттайгаар амжилттай зохион байгууллаа.

Тус тэмцээний I шатыг 6Б ангид багш Б.Золзаяа, 6А ангид Д.Золжаргал, 7А ангид Б.Мөнхшүр, 7Б ангид Г.Цэрэндолгор багш нар тус тус зохион байгуулсан. Эхний шатанд анги хамт олонтойгоо Англи үгсийг алдаагүй зөв үсэглэн анги тус бүрээс 4 суралцагч шалгарсан ба анги тус бүрийн шилдэг үсэглэгч суралцагчдаас 6Б ангийн суралцагч Г.Биндэръяа болон 7А ангийн суралцагч Ч.Билгүүнтөгс нар финалын шатанд шалгарсан. Ялагчаар 7А ангийн суралцагч Ч.Билгүүнтөгс тодорсон. Уралдаанд идэвхтэй оролцсон суралцагчдадаа талархал илэрхийлээд, улам их амжилтыг хүсэн ерөөе.

240671913_4628194423880367_559137098486003867_n

September 23 2021

ЭЕШ-д өндөр оноо авсан суралцагчид

Newbeginning Мэдээ 0

Баянгол дүүргийн ЗДТГ-аас ЭЕШ-д 800 оноо авсан 12 суралцагч, бэлтгэсэн 12 багш тус бүрт НЭГ САЯ ТӨГРӨГИЙН БАТЛАМЖИЙГ гардууллаа

БГД-ийн Засаг даргын 2021 оны А/33 дугаар захирамж болон “Баянгол-Чадварлаг багш” хөтөлбөрийн хүрээнд элсэлтийн ерөнхий шалгалт/ЭЕШ/-ын дундаж оноог ахиулах, багшийн мэдлэг, мэргэшил, ур чадварыг нэмэх, сургалтын чанарыг дээшлүүлэх зорилгоор дүүргийн хэмжээнд “Элсэлтийн ерөнхий шалгалт-2021” болзолт уралдааныг зарлаж, 800 оноо авсан төгсөгч болон түүнийг бэлтгэсэн багш нарт тус бүр 1.000.000 төгрөг олгохоор болсон.

2020-2021 оны хичээлийн жилд БГД-т нийт 2574 суралцагч ЭЕШ өгснөөс англи хэл, нийгэм судлал, газар зүй, орос хэл, монгол хэлний хичээлээр нийт 12 төгсөгч 800 оноо авсан байна. Үүнд манай сургуулийн 12а ангийн төгсөгч А.Мөнх-Оргил англи хэлний хичээлээр, 12а ангийн төгсөгч Л.Жавзандулам монгол хэл, газарзүйн хичээлээр 800 оноо авч, шавь нараа амжилттай бэлтгэсэн англи хэлний багш Б.Мөнхшүр, монгол хэлний багш Д.Туяа, газарзүйн багш Д.Лхагвасүрэн нар нэг сая төгрөгийн батламжаа гардан авлаа. Батламж гардуулах үйл ажиллагаа БГД-ийн ЗДТГ-т болж Баянгол дүүргийн ИТХ-ын дарга Б.Сэмжидмаа, Баянгол дүүргийн Засаг дарга Ө.Сумъяабаатар, дүүргийн Нийгмийн хөгжлийн хэлтсийн дарга С.Мөнхзаяа, Боловсролын хэлтсийн дарга З.Энхгэрэл нар оролцож, батламжийг гардуулан өгсөн байна.

Багш, суралцагчдынхаа цаашдын сурлага, хөдөлмөрт нь улам их амжилт хүсье. Боловсролын салбараа дэмжин ажилладаг БГД-ийн ЗДТГ, ИТХ, НХХ, БХ-ийн хамт олонд талархал илэрхийлье.

242247712_4608694205830389_8196569842557945127_n

September 17 2021

Боловсролын салбарын сэтгэл зүйчид сертификатаа гардан авлаа

Newbeginning Мэдээ 0

ЕБС-д ажиллах сэтгэл зүйчдэд сертификат гардуулах ёслолын ажиллагаа олон улсын хөтөлбөрийн сургалттай “Шинэ эхлэл” сургууль дээр боллоо.

Боловсрол, шинжлэх ухааны яамнаас 2021-2022 оны хичээлийн жилд онцлон хэрэгжүүлж байгаа ажлуудын нэг нь ерөнхий боловсролын сургуульд сэтгэл зүйч ажиллуулах асуудал байлаа. 2021 оны 3 дугаар сараас ерөнхий боловсролын сургуульд сэтгэл зүйч ажиллуулж эхлэх эрх зүйн орчныг судлах, суралцагч, багш, эцэг эх, асран хамгаалагчдын хэрэгцээ шаардлагыг тодорхойлох, сэтгэл зүйчээр сургуулиудаа хангах богино дунд хугацааны төлөвлөлт хийх, боловсон хүчнээ хэрхэн зөв бэлтгэх, мэргэшүүлэх гээд цогц байдлаар авч үзэж, хэрэгжүүлэхийг зорьсон.

Энэ асуудлын хүрээнд “Тогтвортой хөгжлийн боловсрол II” төслийн түшиц сургуулиуд дээр ажиллах 23 сэтгэл зүйч өнөөдөр сертификатаа гардан авлаа. Мэргэшүүлэх сургалт цаг үеийн нөхцөл байдлаас шалтгаалан 21 хоногийн онлайн сургалт, 14 хоногийн танхимын сургалт, 14 хоногийн мэргэжлийн байгууллагууд дээр биечлэн хийж турших дадлага ажил гэсэн 3 чиглэлээр зохион байгуулагдсан.

Мэргэшсэн сэтгэл зүйчид даваа гарагаас хүүхдүүдтэйгээ ажиллаж эхэлнэ. Тэд сертификат гардахаас гадна иж бүрэн сургалтын хэрэглэгдэхүүн, жишиг өрөө тасалгааг хүлээн авч байгаа юм.

Ерөнхий боловсролын сургуульд мэргэжлийн сэтгэл зүйч ажиллуулах нь хүүхдийн оюун ухаан, бие бялдрын хоцрогдлыг эрт илрүүлж хөгжүүлэх, сэтгэл зүйн тулгамдаж буй асуудлыг илрүүлэх, бэрхшээлтэй асуудлуудыг шийдвэрлэхэд нь туслах, багш, эцэг эх, асран хамгаалагчдад зөвлөгөө өгөх, гэр бүл, сургууль дээр үүссэн зөрчил, зөрөлдөөнийг шийдвэрлэхэд нь мэргэжлийн туслалцаа үзүүлэх, ялангуяа хүүхдийг шилжилтийн эмзэг үеэ зөв даван туулахад нь тусалж, элдэв муу зуршилд өртөхөөс нь сэргийлэх зэрэг олон чиглэлээр дэвшил гарч, нийгэм бүхэлдээ сэтгэл зүйн хувьд эрүүлжихэд тустай юм. Мөн мэргэжлийн сэтгэл зүйчид ажлын байртай болох сайн талтай.

Өнгөрсөн хугацаанд ерөнхий боловсролын сургуулиудад ажиллах сэтгэл зүйчдийг сонгон шалгаруулах, сургуулийн сэтгэл зүйчээр мэргэшүүлэн сургах асуудлыг Швейцарийн хөгжлийн агентлаг, “Тогтвортой хөгжлийн боловсрол II” төсөл, “Бадамлин” нийгэмд үйлчлэх төрийн бус байгууллагын санхүүгийн дэмжлэг, яамны харьяа байгууллагууд, мөн их дээд сургууль, мэргэжлийн төрийн бус байгууллагууд, сэтгэл судлалын чиглэлээр үйлчилгээ үзүүлдэг мэргэжлийн байгууллагуудын сэтгэл судлаачидтай хамтран зохион байгуулсан.