Ажлын байрны зар
Олон улсын хөтөлбөрийн сургалттай, төрийн өмчит “Шинэ эхлэл” сургууль дараах ажлын байрны сонгон шалгаруулалтад урьж байна.
1. Мэдээллийн технологийн багш
Newbeginning
About Newbeginning
Posts by :
Ажлын байрны зар
Олон улсын хөтөлбөрийн сургалттай, төрийн өмчит “Шинэ эхлэл” сургууль дараах ажлын байрны сонгон шалгаруулалтад урьж байна.
- Биологийн багш
- Мэдээллийн технологийн багш
- Хөгжмийн багш
- Түүх, нийгмийн ухааны багш
Ихэр суралцагч – Ихэр шагнал
Олон улсын хөтөлбөрийн сургалттай, ерөнхий боловсролын “Шинэ эхлэл” сургуулийн 12б ангийн суралцагч М.Нямцэнгэл, М.Нямцэлмэг нар 2019 оны “Оны онцлох хүүхэд” – ээр шалгарч, Монгол Улсын ерөнхий сайд У.Хүрэлсүхээс шагналаа гардан авлаа.
М.Нямцэнгэл, М.Нямцэлмэг нар Кембрижийн олон улсын шалгалтын дүнгээр IGCSE болон AS/A түвшний зураг дизайн 0400/9704, төрөлх англи хэл 0500, математик 0580/9709, бизнес судлал 0450/9609 хөтөлбөрийн шалгалтаар A*, A /а/ үнэлгээтэй шалгагдсан ба М.Нямцэнгэл 2019 оны хаврын шалгалтын дүнгээр “Дэлхийн топ” суралцагч шагнал хүртсэн бөгөөд улс, олон улсын хэмжээний олимпиад, уралдаан тэмцээнүүдэд тогтмол амжилттай оролцож ирсэн бахархам амжилтын эзэд билээ.
М.Нямцэлмэг, М.Нямцэнгэл нартаа халуун баяр хүргэж, хүссэн сургуульдаа элсэн орж, амжилттай суралцаж, Монгол Улсынхаа нэрийг дэлхийн тавцанд дуурьсгаж байхын ерөөлийг өргөе.
Шинэ жилийн баяр
Олон улсын хөтөлбөрийн сургалттай, нийслэлийн ерөнхий боловсролын “Шинэ эхлэл” сургуулийн суралцагчдын шинэ жилийн баярын цэнгүүн амжилт бүтээлээр арвин байсан 2019 оноо үдэж, ирж буй 2020 оноо урам зориг, эрч хүчээр дүүрэн угтаж, ёслол төгөлдөр үргэлжилж байна.
“Шинэ эхлэл” сургуулийн барилгын өргөлтгөлийн нээлт, Кембрижийн олон улсын шалгалтын сертификат гардуулах ёслолын үйл ажиллагаа
Шинийн 8-ны билэгт сайн энэ өдөр Шинэ эхлэл сургуулийн барилгын өргөтгөлийн нээлт, Кембрижийн олон улсын шалгалтын сертификат гардуулах ёслолын үйл ажиллагаа боллоо. Энэ үеэр Дэлхийн 160 гаруй орны 10000 гаруй сургуулийн сурагчдаас Кембрижийн олон улсын AS түвшний Зураг дизайн 9704 хөтөлбөрийн 2019 оны хаврын олон улсын шалгалтын үнэлгээгээр хамгийн өндөр оноог авч, “TOP in the WORLD” AWARDS буюу “ДЭЛХИЙН ТОП ҮНЭЛГЭЭ” авсан 12б ангийн сурагч М.Нямцэнгэлийн гэрчилгээг гардуулан өглөө.
Үйл ажиллагаанд БСШУСЯ, БГД-ийн боловсролын хэлтэс, олон улсын хөтөлбөрийн сургалттай, Шинэ эрин, Монгол тэмүүлэл сургуулиудын удирдлагын баг, хамтран ажиллагч байгууллага, эцэг, эхийн төлөөллөө урин амжилт, бүтээлээ хуваалцсан ба Кембрижийн олон улсын IGCSE түвшний 0400, AS түвшний 9704, 9479 хөтөлбөрийг сонгон судалж байгаа сурагчдын бүтээлийн үзэсгэлэнг олны хүртээл болголоо.
Г.Галмандах багштай зураг дизайн хөтөлбөр сонгон суралцаж байгаа сурагчид маань улс, олон улсын чанартай уралдаан тэмцээнд тогтмол амжилттай оролцохын зэрэгцээ шилдэг бүтээлүүд нь 2018 онд ОХУ-ын Улаан-Үд, БНХАУ-ын ӨМӨЗО-ы Хөх хотуудын үзэсгэлэнд тавигдсан, 2019 онд Япон улсад болсон Өсвөрийн гэрэл зурагчдын улсын уралдаанд оролцсон 12а ангийн сурагч Б.Индира 11а ангийн сурагч А.Ариунбаяр, 10а ангийн сурагч Б.Мөнх-Оюу нар бүгд медальт байрт шалгарч, үнэмлэхүй амжилт үзүүлсэн, 11а ангийн сурагч М.Номуунаа, 11б ангийн сурагч М.Хулан, 12б ангийн сурагч Ц.Мөнххүслэн нар өөрсдийн бие даасан уран бүтээлийн үзэсгэлэнгээ гаргасан зэрэг бахдам амжилтын эзэд юм.
Тодотгол: Кембрижийн олон улсын шалгалтын топ үнэлгээг Монгол улсын хэмжээнд анх удаа Шинэ эрин сургууль 2013 (IGCSE Mathematics), удаах шагналыг Монгол тэмүүлэл сургууль 2016 онд (IGCSE Mathematics), Орчлон сургууль 2017 онд (IGCSE Mathematics, Combined Science and AS Mathematics) тус тус хүртэж байсан бол 2019 онд Шинэ эхлэл сургуулийн 12б ангийн сурагч М.Нямцэнгэл AS түвшний Зураг дизайн 9704 хөтөлбөрийн Монголын анхны ДЭЛХИЙН ТОП үнэлгээг эх орондоо авч ирлээ. Сүүлийн жилүүдэд Монгол сурагчид Кембрижийн олон улсын шалгалтын үнэлгээгээр Дэлхийд тэргүүлж бахархам амжилт гаргаж байна.
Урлагийн наадам – 2019
2019-2020 оны хичээлийн жилийн сургуулийн урлагийн наадам амжилттай болж, дүнгээ гаргалаа.
Тэмцээний дүн:
6-8 дугаар ангийн ангилалд:
У. Мөнх-Очир багштай 8а анги I байр,
Б. Мөнх-Октябрь багштай 7а анги II байр,
А.Айтолхын багштай 6а анги III байр,
9-12 дугаар ангийн ангилалд:
Д. Туяа багштай 9а анги I байр,
Б.Цэнд багштай 10а анги II байр,
Д.Солонго багштай 11б анги III байрыг тус тус эзэллээ.
Урлагийн наадамд анги хамт олноо амжилттай зохион байгуулж оролцсон нийт багш, суралцагчид, дэмжиж хамтран ажилласан багш, ажилтнууд, эцэг эх, асран хамгаалагчдадаа талархал илэрхийлье.
Дэлхийн ТОП үнэлгээ /TOP in the WORLD award/
2019 оны хаврын Кембрижийн Олон улсын шалгалтыг амжилттай өгсөн суралцагч Мягмарнарангийн Нямцэнгэл болон түүнийг амжилттай бэлтгэж, Art and Design 9704 хөтөлбөрийг амжилттай хэрэгжүүлэн хамгийн өндөр оноо буюу Дэлхийн ТОП /TOP in the WORLD award/ үнэлгээ авч, сургууль болон Монгол Улсынхаа нэрийг олон улсын түвшинд өндөрт өргөсөн зураг зүйн багш Г.Галмандахдаа нийт багш, суралцагчдынхаа өмнөөс халуун баяр хүргэж, #Монгол_Кембрижийн_санаачлага төслийн хүрээнд хамтран ажиллаж ирсэн боловсролын салбарын нөхөд, хамт олондоо талархал илэрхийлье.
Олон улсын гэрэл зургийн фестиваль
Японы Улсын Хоккайдо мужийн Хигашикава хотноо 5 дахь удаагаа зохиогдсон дунд сургуулийн суралцагчдын олон улсын гэрэл зургийн фестивальд олон улсын хөтөлбөрийн сургалттай, нийслэлийн ерөнхий боловсролын “Шинэ эхлэл”сургуулийн 12а ангийн суралцагч Б.Индира, 11а ангийн суралцагч А.Ариунбаяр, 10а ангийн суралцагч Б.Мөнх-Оюу нар Монгол улсаа төлөөлөн оролцож, хоёр төрөлд тэргүүн байр эзэлж, сайхан амжилт гаргалаа. Энэ фестивальд 22 улсын 24 баг оролцсоноос манай баг шүүгчдийн нэрэмжит шагналын тэргүүн байрыг эзэлж, нийт багш, суралцагчдын үнэлгээгээр дахин тэргүүлэн, үнэмлэхүй амжилт гаргалаа. Амжилттай оролцсон суралцагчдадаа баяр хүргэж, амжилт хүсье.
“Developing learning skills as a Cambridge learner” илтгэлийн уралдаан
ОУ-ын хөтөлбөрийн сургалттай 3 сургуулийн суралцагчдын “Developing learning skills as a Cambridge learner” илтгэлийн уралдаанд манай суралцагчид амжилттай оролцож, IGCSE хөтөлбөрийн ангилалд 10б ангийн суралцагч Т.Тэнгиснамуун, A level хөтөлбөрийн ангилалд 12б ангийн суралцагч Н.Билгүүн-Од нар ТЭРГҮҮН байрыг тус тус эзлэв.
