Menu

Мэдээ

240671913_4628194423880367_559137098486003867_n

ЭЕШ-д өндөр оноо авсан суралцагчид

0

Баянгол дүүргийн ЗДТГ-аас ЭЕШ-д 800 оноо авсан 12 суралцагч, бэлтгэсэн 12 багш тус бүрт НЭГ САЯ ТӨГРӨГИЙН БАТЛАМЖИЙГ гардууллаа
 
БГД-ийн Засаг даргын 2021 оны А/33 дугаар захирамж болон “Баянгол-Чадварлаг багш” хөтөлбөрийн хүрээнд элсэлтийн ерөнхий шалгалт/ЭЕШ/-ын дундаж оноог ахиулах, багшийн мэдлэг, мэргэшил, ур чадварыг нэмэх, сургалтын чанарыг дээшлүүлэх зорилгоор дүүргийн хэмжээнд “Элсэлтийн ерөнхий шалгалт-2021” болзолт уралдааныг зарлаж, 800 оноо авсан төгсөгч болон түүнийг бэлтгэсэн багш нарт тус бүр 1.000.000 төгрөг олгохоор болсон.
 
2020-2021 оны хичээлийн жилд БГД-т нийт 2574 суралцагч ЭЕШ өгснөөс англи хэл, нийгэм судлал, газар зүй, орос хэл, монгол хэлний хичээлээр нийт 12 төгсөгч 800 оноо авсан байна. Үүнд манай сургуулийн 12а ангийн төгсөгч А.Мөнх-Оргил англи хэлний хичээлээр, 12а ангийн төгсөгч Л.Жавзандулам монгол хэл, газарзүйн хичээлээр 800 оноо авч, шавь нараа амжилттай бэлтгэсэн англи хэлний багш Б.Мөнхшүр, монгол хэлний багш Д.Туяа, газарзүйн багш Д.Лхагвасүрэн нар нэг сая төгрөгийн батламжаа гардан авлаа. Батламж гардуулах үйл ажиллагаа БГД-ийн ЗДТГ-т болж Баянгол дүүргийн ИТХ-ын дарга Б.Сэмжидмаа, Баянгол дүүргийн Засаг дарга Ө.Сумъяабаатар, дүүргийн Нийгмийн хөгжлийн хэлтсийн дарга С.Мөнхзаяа, Боловсролын хэлтсийн дарга З.Энхгэрэл нар оролцож, батламжийг гардуулан өгсөн байна.
 
Багш, суралцагчдынхаа цаашдын сурлага, хөдөлмөрт нь улам их амжилт хүсье. Боловсролын салбараа дэмжин ажилладаг БГД-ийн ЗДТГ, ИТХ, НХХ, БХ-ийн хамт олонд талархал илэрхийлье.
 
240188845_4628192520547224_1690159258754535281_n
240671913_4628194423880367_559137098486003867_n
242247712_4608694205830389_8196569842557945127_n

Боловсролын салбарын сэтгэл зүйчид сертификатаа гардан авлаа

0

ЕБС-д ажиллах сэтгэл зүйчдэд сертификат гардуулах ёслолын ажиллагаа олон улсын хөтөлбөрийн сургалттай “Шинэ эхлэл” сургууль дээр боллоо.
 
✅ Боловсрол, шинжлэх ухааны яамнаас 2021-2022 оны хичээлийн жилд онцлон хэрэгжүүлж байгаа ажлуудын нэг нь ерөнхий боловсролын сургуульд сэтгэл зүйч ажиллуулах асуудал байлаа. 2021 оны 3 дугаар сараас ерөнхий боловсролын сургуульд сэтгэл зүйч ажиллуулж эхлэх эрх зүйн орчныг судлах, суралцагч, багш, эцэг эх, асран хамгаалагчдын хэрэгцээ шаардлагыг тодорхойлох, сэтгэл зүйчээр сургуулиудаа хангах богино дунд хугацааны төлөвлөлт хийх, боловсон хүчнээ хэрхэн зөв бэлтгэх, мэргэшүүлэх гээд цогц байдлаар авч үзэж, хэрэгжүүлэхийг зорьсон.
 
✅ Энэ асуудлын хүрээнд “Тогтвортой хөгжлийн боловсрол II” төслийн түшиц сургуулиуд дээр ажиллах 23 сэтгэл зүйч өнөөдөр сертификатаа гардан авлаа. Мэргэшүүлэх сургалт цаг үеийн нөхцөл байдлаас шалтгаалан 21 хоногийн онлайн сургалт, 14 хоногийн танхимын сургалт, 14 хоногийн мэргэжлийн байгууллагууд дээр биечлэн хийж турших дадлага ажил гэсэн 3 чиглэлээр зохион байгуулагдсан.
 
✅ Мэргэшсэн сэтгэл зүйчид даваа гарагаас хүүхдүүдтэйгээ ажиллаж эхэлнэ. Тэд сертификат гардахаас гадна иж бүрэн сургалтын хэрэглэгдэхүүн, жишиг өрөө тасалгааг хүлээн авч байгаа юм.
 
✅ Ерөнхий боловсролын сургуульд мэргэжлийн сэтгэл зүйч ажиллуулах нь хүүхдийн оюун ухаан, бие бялдрын хоцрогдлыг эрт илрүүлж хөгжүүлэх, сэтгэл зүйн тулгамдаж буй асуудлыг илрүүлэх, бэрхшээлтэй асуудлуудыг шийдвэрлэхэд нь туслах, багш, эцэг эх, асран хамгаалагчдад зөвлөгөө өгөх, гэр бүл, сургууль дээр үүссэн зөрчил, зөрөлдөөнийг шийдвэрлэхэд нь мэргэжлийн туслалцаа үзүүлэх, ялангуяа хүүхдийг шилжилтийн эмзэг үеэ зөв даван туулахад нь тусалж, элдэв муу зуршилд өртөхөөс нь сэргийлэх зэрэг олон чиглэлээр дэвшил гарч, нийгэм бүхэлдээ сэтгэл зүйн хувьд эрүүлжихэд тустай юм. Мөн мэргэжлийн сэтгэл зүйчид ажлын байртай болох сайн талтай.
 
✅ Өнгөрсөн хугацаанд ерөнхий боловсролын сургуулиудад ажиллах сэтгэл зүйчдийг сонгон шалгаруулах, сургуулийн сэтгэл зүйчээр мэргэшүүлэн сургах асуудлыг Швейцарийн хөгжлийн агентлаг, “Тогтвортой хөгжлийн боловсрол II” төсөл, “Бадамлин” нийгэмд үйлчлэх төрийн бус байгууллагын санхүүгийн дэмжлэг, яамны харьяа байгууллагууд, мөн их дээд сургууль, мэргэжлийн төрийн бус байгууллагууд, сэтгэл судлалын чиглэлээр үйлчилгээ үзүүлдэг мэргэжлийн байгууллагуудын сэтгэл судлаачидтай хамтран зохион байгуулсан.
 
242220953_4608695252496951_6962057746188947824_n
242259722_4608694512497025_487415981612435710_n
242205709_4608695039163639_6339301886335849980_n
242259630_4608694912496985_6501304672266519703_n
242231795_4608694895830320_9105609848175238743_n
242246400_4608695012496975_9146754812134069529_n
242316031_4608695399163603_4549043403580352791_n
242255154_4608694329163710_8414912310793913824_n
242273210_4608694455830364_7285887061290277093_n
242271006_4608694889163654_7287716902728100592_n
242219069_4608695192496957_290346283007767092_n
242226795_4608695299163613_8829613921053467695_n
242247973_4608695342496942_549950696921798596_n
242247958_4608695175830292_3494646336013656125_n
242234547_4608694349163708_1541458935308571900_n
242247712_4608694205830389_8196569842557945127_n
242190887_4608694272497049_2449842760452042108_n
242299828_4608694699163673_499679701951195308_n
242273894_4608693995830410_9009909273948514970_n
242250453_4608694859163657_723699275298544087_n
open-book

2021-2022 оны хичээлийн жилийн элсэлтийн шалгалтын дүн

0

Шинэ эхлэл сургуулийн 2021-2022 оны хичээлийн жилийн элсэлтийн шалгалтыг амжилттай зохион байгууллаа.
Хяналтын тоонд багтаж тэнцсэн 45 шалгуулагчдаа баяр хүргэе.

Элсэлтийн шалгалтын удирдамжийн дагуу ижил 39 оноотой 5 суралцагчийг V ангийн жилийн эцсийн дүнгийн дунджаар эрэмбэлэхэд NB10232, NB1094, NB10191 бүртгэлийн дугаартай шалгуулагчид хяналтын тоонд багтаж тэнцлээ.


Элсэлтийн шалгалт өгсөн нийт суралцагчдадаа талархал илэрхийлж, амжилт хүсье.

 

472526348_9347801291919633_2757195033994862406_n
472994456_9347801001919662_6189635070945115181_n
198595088_4313119332054546_7060985279480786058_n

Сингапурын олон улсын шинжлэх ухааны цахим үзэсгэлэнд амжилттай оролцлоо

0

“Сайныг сэтгэгч дэлхийн иргэд” уриан дор дэлхийн 40 сургуулиас 200 гаруй оролцогч өөрсдийн шинжлэх ухааны талаарх туршлага, ойлголтыг солилцохоор Сингапурын олон улсын шинжлэх ухааны уралдаанд оролцлоо.
 
“Шинэ эхлэл” сургуулиас Ж.Батхишиг, Б.Мөнхшүр багш нарын удирдлагад 11 дүгээр ангийн суралцагч Э.Сарнай, Б.Мягмардорж, П.Анударь нар “Сүү, сүүн бүтээгдэхүүний хэрэглээ ба шүдний өвчлөл” судалгааны ажлаар амжилттай оролцлоо. Уг уралдааны үеэр өөр орны 3 суралцагч хамтран 1 баг болж, “Загвар гаргах, бүтээх, турших” сорилгод хамтран ажилласан бөгөөд Э.Сарнай гуравдугаар байрын, Б.Мягмардорж “Олны таашаалд нийцсэн номинаци”-ийн шагналыг тус тус хүртлээ.
 
Багш суралцагчдынхаа цаашдын сурлага, хөдөлмөр, судалгааны ажилд нь амжилт хүсье.
 
197868881_4313119065387906_8008417194354917931_n
197803780_4313119098721236_8558831382783674135_n
198036732_4313119072054572_5022795744145156044_n
198595088_4313119332054546_7060985279480786058_n
199137995_4313133028719843_7785795489432652419_n
195163248_4313133082053171_6952668213339605109_n
195036426_4313133118719834_2341511152647350578_n
198761653_4313133142053165_3861139679163177104_n
197873585_4313133272053152_3850245229337690156_n
186193550_4231644033535410_1401250974920001838_n

Сургуулийн хөгжилд бидний оролцоо аян

0

“Сургуулийн хөгжилд бидний оролцоо аян”-ы хүрээнд цар тахлын хүнд хэцүү цаг үед цахим хичээлээ амжилттай зохион байгуулсан сургуулийнхаа багш, ажилтнуудын дархлааг дэмжиж сайн үйлсийн аян эхлүүлсэн 10а ангийн суралцагч А.Мустафагийн гэр бүлийнхэнд баярлаж талархсанаа илэрхийлье. Сайхан сэтгэл, сайн санааны тус буян нь танай сайхан гэр бүлд хурах болтугай.

 

Сургуулийн хөгжилд бидний оролцоо аян
judicial-law

Хятад хэлний түвшин тогтоох HSK шалгалт

0

Ахин 2 суралцагч ОУ-д хүлээн зөвшөөрөгдсөн хятад хэлний түвшин тогтоох HSK шалгалтад тэнцлээ. Уг шалгалтын хувьд 1-2 дугаар дэс нь шалгуулагчийн анхан шатны, 3-4 дүгээр дэс нь дунд түвшний, 5-6 дугаар дэс нь дээд түвшний хятад хэлний мэдлэгийг тодорхойлдог бөгөөд 2020-2021 оны хичээлийн жилд анх удаа HSK шалгалтад бэлтгэх хөтөлбөрийг 12 дугаар ангийн хичээлийн хуваарьт тусган, хэрэгжүүлсэн билээ. Амаргүй хэлийг тууштай суралцаж, амжилт гаргасан шавь нартаа улам их амжилтыг хүсэн ерөөе. Хятад хэлний багш А.Номин-Эрдэнэдээ цаашид улам олон суралцагчдыг амжилтад хөтлөхийг хүсье. 🤩🤩🤩

 

judicial-law

Уншлагын хөтөлбөр – 2021

0

ГХЗАН-ээс 2020-2021 оны хичээлийн жилд зохион байгуулсан “Уншлагын хөтөлбөр 2021”-ийн үр дүнг хүргэж байна. Бүтэн жилийн туршид идэвхтэй оролцсон суралцагчид болон амжилттай зохион байгуулсан багш нартаа талархал илэрхийлье. 6а ангийн суралцагч Ч.Билгүүнтөгс, 7б ангийн суралцагч Э.Энхзориг нар 2 удаа англи хэлээр “Шилдэг уншигч”-аар шалгарсан бол, 9а ангийн суралцагч С.Төгсжаргал хятад, англи хэлний 2 төрөлд хоёуланд нь “Шилдэг уншигч”-аар шалгарсан бахдам амжилтыг үзүүлсэн байна. Анги хамт олноо манлайлсан “ШИЛДЭГ”-үүддээ баяр хүргээд, номын цагаан буян дэлгэрэх болтугай гэж ерөөе!

 

late-study

Гадаад хэлний олон улсад хүлээн зөвшөөрөгдсөн шалгалтууд

0

Хэдийгээр 2020-2021 оны хичээлийн жилд COVID-19-ийн нөхцөл байдлаас шалтгаалан орон даяар гадаад хэлний түвшин тогтоох шалгалтууд олон удаа хойшлогдож, цөөн хэдхэн удаа зохион байгуулагдсан ч манай сурагчид ОУ-д хүлээн зөвшөөрөгдсөн англи хэлний IELTS болон хятад хэлний HSK шалгалтуудыг өгч, амжилтуудыг үзүүлсээр байна. Шалгалтад амжилттай оролцсон суралцагчид болон бэлтгэсэн багш нартаа цаашдын сурлага хөдөлмөрт нь өрнүүн их амжилтыг хүсэн ерөөе. 👏👏👏
 
Дашрамд дуулгахад манай сургууль нь Кембриджийн ОУ-ын English as a First language IGCSE, English as a Second language IGCSE, Mandarin Chinese as a foreign language IGCSE, Chinese language AS хөтөлбөрүүд болон IELTS, HSK шалгалтад бэлтгэх хөтөлбөрүүдийг болон ОУ-ын хөтөлбөрүүдэд дэмжлэг болгох зорилгоор төрөлх англи хэлтэй, гадаад багш нартай хамтран сургуулийн хэмжээнд SSP хөтөлбөрийг тус тус хэрэгжүүлдэг.
 

Load More