“Дорноговь Робо – 2024” робот технологийн сургалт, тэмцээн
Хүүхэд залуучуудын инженерчлэл, технологи, шинжлэх ухааны мэдлэг, чадвар, хандлагыг хөгжүүлэх зорилготой “Дорноговь Робо – 2024” робот технологийн сургалт, тэмцээн Дорноговь аймгийн Сайншанд суманд 7 сарын 28-наас 31-ний өдрүүдэд амжилттай зохион байгуулагдлаа. Тус үйл ажиллагаанд БНСУ-ын Сөүл хотын ахлах сургуулиуд, олон улсын хөтөлбөрийн сургалттай “Шинэ эхлэл”, “Шинэ эрин”, “Монгол тэмүүлэл” сургуулиуд, Сайншанд сумын ЕБС-иудын багш, ажилтан, суралцагчид оролцлоо.
Робот технологийн тэмцээнийг автомат болон гар удирдлагатай робот гэсэн 2 төрлөөр зохион байгуулж, дүнгээ гаргалаа. Суралцагчдыг 27 багт хуваасан бөгөөд нэг багт БНСУ-ын ахлах сургуулийн нэг суралцагч, олон улсын хөтөлбөрийн сургалттай сургуулийн нэг суралцагч, Сайншанд сумын ЕБС-иудын хоёр суралцагч багтсан болно.
Гар удирдлагатай роботын төрөлд “Шинэ эхлэл” ОУХСС-ийн 9А ангийн суралцагч М.Хасутөр ахлагчтай баг алтан медаль, цом, 8А ангийн суралцагч Ц.Тэнгис ахлагчтай баг мөнгөн медаль, цом, 9Б ангийн суралцагч С.Энх-Амар ахлагчтай баг тусгай байрын шагналыг тус тус хүртлээ.
Амжилттай оролцсон багш, суралцагчдадаа баяр хүргэж, улам их амжилтыг хүсье. Мөн дэмжиж оролцсон ажилтнууд болон эцэг эх, асран хамгаалагчдадаа талархал илэрхийлье.
