Мэдээ
Ажлын байрны зар
Олон улсын хөтөлбөрийн сургалттай, төрийн өмчит, ерөнхий боловсролын Шинэ Эхлэл сургууль дараах ажлын байрны сонгон шалгаруулалтад урьж байна.
1. Хөгжмийн багш
2. Бизнес судлалын багш
3. Байгалийн ухааны лаборант
Эрдмийн баяр 2026
“Шинэ эхлэл” олон улсын сургуулийн 2025-2026 оны хичээлийн жилийн “Эрдмийн баяр”-ын үйл ажиллагаа болж, төгсөгч бүр суралцах хугацаандаа гаргасан ахиц, амжилтаараа “Амжилтын хуудас” хийн, үзэсгэлэн гаргаж, сургуулийн хамт олондоо танилцуулсан, багш, ажилтнууд нь шавь нарынхаа амжилтаар бахархсан, эцэг эх, асран хамгаалагчдын сургуулийн хамт олон, төгсөгчдөдөө зориулсан чин сэтгэлийн үг, талархлаар дүүрэн өдөр өнгөрлөө. Энэхүү баярын үйл ажиллагааны зочин илтгэгчээр “Эртэч Монгол” хөдөлгөөнийг санаачлагч Н.Энхбаатар оролцлоо. Мөн Төгсөгчдийг төлөөлж 2019 оны төгсөгч Т.Дашнамжил, суралцагчдаа төлөөлж 12А ангийн суралцагч Д.Тэргэл, багш, ажилтныг төлөөлж 12Б ангийн анги удирдсан багш Ж.Батхишиг, англи хэлний багш Anneliese Brennan Smith, эцэг эх, асран хамгаалагчдыг төлөөлж М.Баттүвшин нар чин сэтгэлийн үгээ хэлж, төгсөгчдөдөө баяр хүргэлээ. Мөн суралцах хугацаандаа авьяас, чадвар, санаачилга, идэвх оролцоогоороо амжилт гаргаж, бусдыгаа манлайлан, сургуулийн нийт хамт олны санал асуулгаар шалгарсан:• “Оюунлаг суралцагч”- 12Б ангийн суралцагч Н.Анар
• “Манлайлагч суралцагч”- 12Б ангийн суралцагч О.Ууганчимэг
• “Судлаач суралцагч” – 12А ангийн суралцагч Х.Элбэгсайхан
• “Авьяаслаг суралцагч”- 12А ангийн суралцагч Э.Анар
• “Бүтээлч суралцагч” – 12Б ангийн суралцагч Э.Баярсайхан
• “Спортлог суралцагч” – 12А ангийн суралцагч Б.Бат-Ирээдүй
• “Байгальд ээлтэй суралцагч”- 12Б ангийн суралцагч Д.Бүжинлхам
• “Хүмүүнлэгийн үйлстэн суралцагч”- 12Б ангийн суралцагч Т.Халиун нарыг болон сургуулийн хөгжил, үйл ажиллагаанд хувь нэмэр оруулж, нийгмийн идэвх оролцоогоор тэргүүлсэн тэргүүний суралцагчдыг шагнаж, урамшууллаа.
Энэ жил сургуулиа төгсөж буй суралцагчдадаа амжилттай төгсөж, хүссэн их дээд сургуульдаа элсэн, дэлхийд нэрээ дуурсгасан чадварлаг мэргэжилтнүүд болж, эх орныхоо хөгжилд үнэтэй хувь нэмэр оруулахын ерөөл өргөе. Мөн нийт багш, ажилтан, суралцагчид болон эцэг эх, асран хамгаалагчдадаа Эрдмийн баярын халуун мэндийг дэвшүүлье.
Физикийн багийн олимпиад 2026
Улсын хэмжээнд “Бүх нийтийн физик боловсрол”-ыг дэмжих зорилгоор 2004 оноос хойш уламжлал болгон зохион байгуулж буй “Физикийн багийн олимпиад 2026”-д Олон улсын хөтөлбөрийн сургалттай, Нийслэлийн ерөнхий боловсролын “Шинэ Эхлэл” сургуулийн 6-9 дүгээр ангийн, 5 багийн 100 суралцагч амжилттай оролцож, дараах шагналуудыг хүртлээ.
• 
Алтан медаль: 7А, 7Б ангийн 1-р баг
Алтан медаль: 7А, 7Б ангийн 1-р баг• Алтан медаль: 8А ангийн баг
Алтан медаль: 8А ангийн баг• 
Хүрэл медаль: 7А, 7Б ангийн 2-р баг
Хүрэл медаль: 7А, 7Б ангийн 2-р баг• Хүрэл медаль: 9А, 9Б ангийн баг
Хүрэл медаль: 9А, 9Б ангийн баг• 
Тусгай байр: 6А, 6Б ангийн баг
Тусгай байр: 6А, 6Б ангийн багОлимпиадад сургуулиа төлөөлөн амжилттай оролцсон нийт суралцагчид болон бэлтгэсэн багш нартаа халуун баяр хүргэе! 
Хүүхдүүдээ үргэлж дэмжиж, хамтран ажилладаг эцэг эх, асран хамгаалагч та бүхэндээ гүн талархал илэрхийлье.
ШИНЭ ЭХЛЭЛ СУРГУУЛИЙН ЭЛСЭЛТИЙН ШАЛГАЛТЫН ЗАР
2025-2026 оны хичээлийн жилд ерөнхий боловсролын сургуулийн V ангийг төгссөн, Шинэ Эхлэл сургуулийн VI ангид элсэн суралцах хүсэлтэй суралцагчдыг сонгон шалгаруулалтад урьж байна.
2026 оны 06 дугаар сарын 12-ны өдрийн 09.00 цагаас 2026 оны 06 дугаар сарын 15-ны өдрийн 14.00 цаг хүртэл дараах хаягаар, цахимаар бүртгэнэ. http://register.newbeginning.edu.mn/
Цахимаар бүртгүүлэхдээ дараах материалуудыг файлаар хавсаргана.
1. Суралцагчийн сүүлийн 1 сард авхуулсан цээж зураг /JPEG, PNG, JPG форматтай/
2. Тухайн сургуульд суралцахыг дэмжсэн эцэг эх, асран хамгаалагчийн гаргасан хүсэлт
3. Суралцагчийн төрсний гэрчилгээ
4. Суралцагчийн хувийн хэрэг /Жилийн эцсийн дүн, төгсөх шалгалтуудын дүн, гарын үсэг, тамга тэмдэгтэй, засваргүй байх/
5. Шалгалтын хураамж 25000 төгрөгийг тушаасан баримт
• Банк: Төрийн сан банк, MN 140090100900015043 тоот данс
• Дансны нэр: Шинэ эхлэл лаборатори сургууль (Шинэ эхлэл лаборат сур)
• Гүйлгээний утга: Суралцагчийн овог, нэр, регистрийн дугаар, холбоо барих утасны дугаар
ШАЛГАЛТЫГ 2026 ОНЫ 06 ДУГААР САРЫН 17-НЫ ӨДРИЙН 10:00 ЦАГТ, МАТЕМАТИКИЙН ХИЧЭЭЛЭЭР ЗОХИОН БАЙГУУЛНА.
Баянгол дүүрэг, 33-р хороо, Дилав хутагт Жамсранжавын гудамж, Модны 2.
Холбоо барих утас: 70104142
ЭЛСЭЛТИЙН ШАЛГАЛТЫН АЖЛЫН ХЭСЭГ
“DRONECON 2026” үндэсний аварга шалгаруулах тэмцээн
Монгол Улсын Ерөнхийлөгчийн ивээл дор зохион байгуулагдаж буй Нисгэгчгүй нисэх төхөөрөмж жолоодлогын Үндэсний аварга шалгаруулах “DRONECON 2026” тэмцээн 05-р сарын 09-10-ны өдрүүдэд Сүхбаатарын талбайд боллоо. Тус тэмцээн нь хүүхэд залуучуудын нисгэгчгүй нисэх төхөөрөмж, инженерчлэл, техник технологийн талаарх мэдлэг, сонирхлыг нэмэгдүүлэх, олон улсын түвшинд өрсөлдөх чадвартай шинэ үеийн авьяастнуудыг бэлтгэх зорилготой. Энэ удаагийн тэмцээнд 600 гаруй баг, тамирчид оролцон хурд, ур чадвар, нарийвчлал, инженерчлэлийн шийдлээрээ өрсөлдлөө. Тэмцээнд Шинэ Эхлэл Сургуулийн 6 суралцагч амжилттай оролцсоноос 11А ангийн Г.Нямбаяр 13-18 насны ангилалд 
мөнгөн медаль хүртлээ. Амжилттай оролцсон суралцагчид болон бэлтгэсэн багш, ажилтнууддаа баяр хүргэж, улам их амжилтыг хүсье. Мөн дэмжиж оролцсон эцэг эх, асран хамгаалагчдадаа талархал илэрхийлье.
Үндэсний бичгийн цагаан толгойн баяр
6А, 6Б ангиуд үндэсний бичгийн “Цагаан толгойн баяр”-аа тэмдэглэв. Үндэсний бичиг бол монгол хүн бүрийн бахархал соёлын дархлаа учраас хичээнгүйлэн суралцаж, “Үсэг мэдсэн хүн ирээдүйг гэрэлтүүлдэг” гэдгийг эргэн нэг санаж, “Цагаан толгойн баяр” – аа дунд ангидаа дахин нэгэн суралцахын баяр болгож хийлээ. Энэхүү үйл ажиллагаа нь суралцагч нэг бүрийн оролцоог дэмжин:1. Үндэсний бичгийн үсгийн шүлэг унших
2. Цагаан толгойн дуу
3. “Алтан хонх” тэмцээн
гэсэн үе шаттайгаар боллоо. Мөн “Цэвэр бичигтэн”, “Унших бичих чадварын шилдэг суралцагч” – ийг шалгарууллаа.
Дэмжин ажилласан 6А, 6Б ангийг удирдсан багш Г. Галмандах, О. Ганчимэг нарт болон эцэг эх, асран хамгаалагчдадаа талархал илэрхийлье.НУМББ
“New Beginnings: Debate Cup 2026” мэтгэлцээний тэмцээн
Шинэ Эхлэл Сургуулийн мэтгэлцээний аварга шалгаруулах тэмцээн 9-12-р ангийн суралцагчдын дунд болж, нийт 7 багийн 21 суралцагч амжилттай оролцлоо. Тус тэмцээн нь суралцагчдын шүүмжлэлт сэтгэлгээ, өөрийгөө илэрхийлэх, илтгэх чадвар болон олон улсын хөтөлбөрийн сургалтад багтсан судалгаа, шинжилгээ хийх чадварыг нэмэгдүүлэх ач холбогдолтой юм. Оролцогч бүрийг мэтгэлцээний цогц мэдлэг олгох сургалтад хамруулсан бөгөөд тэмцээнийг Карл Попперын мэтгэлцээний олон улсын стандартын дагуу зохион байгууллаа. Мэтгэлцээн нь сургалтын орчинтой холбоотой дараах үндсэн 3 асуудал дор өрнөлөө:1. Сургуулийн орчинд гар утасны хэрэглээг хязгаарлах нь зөв.
2. Сургуулийн орчинд тулгамдаж буй асуудлыг шийдвэрлэхэд багш, суралцагчдын оролцоо ижил түвшинд байх ёстой.
3. Уламжлалт анги, танхим нь орчин үеийн суралцагчдын хэрэгцээг хангаж чадахгүй байна.
Тэмцээний дүн:
12А ангийн суралцагч Х.Элбэгсайхан, Б.Шагай, Б.Бат-Ирээдүй нарын гишүүдтэй “Iceberg” баг 11Б ангийн суралцагч Г.Тэмүүлэн, М.Пүрэвбат, 11А ангийн суралцагч Д.Тэнгис нарын гишүүдтэй “TenuulBat” баг 11Б ангийн суралцагч Э.Болортуяа, Б.Тэлмүүн, Б.Маргад нарын гишүүдтэй “Illumnati” баг Амжилттай оролцсон суралцагчдадаа баяр хүргэж, амжилт хүсье.
Монгол улсын англи хэлний 28-р олимпиад
Монгол Улсын англи хэлний 28-р олимпиад 2026 оны 04-р сарын 10-12-ны өдрүүдэд МУИС дээр болж, дүнгээ гаргалаа. Тус олимпиадад 261 суралцагч, 109 багш мэдлэг, оюунаа сорин өрсөлдөж, шилдгүүдээ тодруулснаас 11Б ангийн суралцагч Г.Тэмүүлэн 12-р ангийн Гүнзгий ангиллаас хүрэл медаль хүртэж, МУИС-д элсэн суралцах урилга авлаа. Амжилттай оролцсон суралцагч болон бэлтгэсэн англи хэлний багш Б.Баяртсайханд баяр хүргэж, улам их амжилтыг хүсэн ерөөе.
Монгол улсын техник, технологийн 27-р олимпиад
Монгол Улсын техник, технологийн 27-р олимпиад 2026 оны 04-р сарын 08-10-ны өдрүүдэд МУБИС дээр болж, дүнгээ гаргалаа. Тус олимпиадад 174 суралцагч, 87 багш мэдлэг, оюунаа сорин өрсөлдөж, шилдгүүдээ тодруулснаас 12Б ангийн суралцагч Э.Баярсайхан дүрслэх урлагийн төрөлд оролцож, мөнгөн медаль хүртлээ. Амжилттай оролцсон суралцагч болон бэлтгэсэн технологи, дүрслэх урлагийн багш Г.Галмандахад баяр хүргэж, улам их амжилтыг хүсэн ерөөе.
