Сурагчдын зөвлөл

81784421_2916387501727743_6372402608677584896_n

January 7 2020

Ихэр суралцагч – Ихэр шагнал

Олон улсын хөтөлбөрийн сургалттай, ерөнхий боловсролын “Шинэ эхлэл” сургуулийн 12б ангийн суралцагч М.Нямцэнгэл, М.Нямцэлмэг нар 2019 оны “Оны онцлох хүүхэд” – ээр шалгарч, Монгол Улсын ерөнхий сайд У.Хүрэлсүхээс шагналаа гардан авлаа.

М.Нямцэнгэл, М.Нямцэлмэг нар Кембрижийн олон улсын шалгалтын дүнгээр IGCSE болон AS/A түвшний зураг дизайн 0400/9704, төрөлх англи хэл 0500, математик 0580/9709, бизнес судлал 0450/9609 хөтөлбөрийн шалгалтаар A*, A /а/ үнэлгээтэй шалгагдсан ба М.Нямцэнгэл 2019 оны хаврын шалгалтын дүнгээр “Дэлхийн топ” суралцагч шагнал хүртсэн бөгөөд улс, олон улсын хэмжээний олимпиад, уралдаан тэмцээнүүдэд тогтмол амжилттай оролцож ирсэн бахархам амжилтын эзэд билээ.

М.Нямцэлмэг, М.Нямцэнгэл нартаа халуун баяр хүргэж, хүссэн сургуульдаа элсэн орж, амжилттай суралцаж, Монгол Улсынхаа нэрийг дэлхийн тавцанд дуурьсгаж байхын ерөөлийг өргөе.

December 21 2019

Шинэ жилийн баяр

Newbeginning Мэдээ, Сурагчдын зөвлөл 0

Олон улсын хөтөлбөрийн сургалттай, нийслэлийн ерөнхий боловсролын “Шинэ эхлэл” сургуулийн суралцагчдын шинэ жилийн баярын цэнгүүн амжилт бүтээлээр арвин байсан 2019 оноо үдэж, ирж буй 2020 оноо урам зориг, эрч хүчээр дүүрэн угтаж, ёслол төгөлдөр үргэлжилж байна.

78330694_2841147895918371_3129829538603728896_n

December 4 2019

“Шинэ эхлэл” сургуулийн барилгын өргөлтгөлийн нээлт, Кембрижийн олон улсын шалгалтын сертификат гардуулах ёслолын үйл ажиллагаа

Newbeginning Мэдээ, Сурагчдын зөвлөл 0

Шинийн 8-ны билэгт сайн энэ өдөр Шинэ эхлэл сургуулийн барилгын өргөтгөлийн нээлт, Кембрижийн олон улсын шалгалтын сертификат гардуулах ёслолын үйл ажиллагаа боллоо. Энэ үеэр Дэлхийн 160 гаруй орны 10000 гаруй сургуулийн сурагчдаас Кембрижийн олон улсын AS түвшний Зураг дизайн 9704 хөтөлбөрийн 2019 оны хаврын олон улсын шалгалтын үнэлгээгээр хамгийн өндөр оноог авч, “TOP in the WORLD” AWARDS буюу “ДЭЛХИЙН ТОП ҮНЭЛГЭЭ” авсан 12б ангийн сурагч М.Нямцэнгэлийн гэрчилгээг гардуулан өглөө.

Үйл ажиллагаанд БСШУСЯ, БГД-ийн боловсролын хэлтэс, олон улсын хөтөлбөрийн сургалттай, Шинэ эрин, Монгол тэмүүлэл сургуулиудын удирдлагын баг, хамтран ажиллагч байгууллага, эцэг, эхийн төлөөллөө урин амжилт, бүтээлээ хуваалцсан ба Кембрижийн олон улсын IGCSE түвшний 0400, AS түвшний 9704, 9479 хөтөлбөрийг сонгон судалж байгаа сурагчдын бүтээлийн үзэсгэлэнг олны хүртээл болголоо.

Г.Галмандах багштай зураг дизайн хөтөлбөр сонгон суралцаж байгаа сурагчид маань улс, олон улсын чанартай уралдаан тэмцээнд тогтмол амжилттай оролцохын зэрэгцээ шилдэг бүтээлүүд нь 2018 онд ОХУ-ын Улаан-Үд, БНХАУ-ын ӨМӨЗО-ы Хөх хотуудын үзэсгэлэнд тавигдсан, 2019 онд Япон улсад болсон Өсвөрийн гэрэл зурагчдын улсын уралдаанд оролцсон 12а ангийн сурагч Б.Индира 11а ангийн сурагч А.Ариунбаяр, 10а ангийн сурагч Б.Мөнх-Оюу нар бүгд медальт байрт шалгарч, үнэмлэхүй амжилт үзүүлсэн, 11а ангийн сурагч М.Номуунаа, 11б ангийн сурагч М.Хулан, 12б ангийн сурагч Ц.Мөнххүслэн нар өөрсдийн бие даасан уран бүтээлийн үзэсгэлэнгээ гаргасан зэрэг бахдам амжилтын эзэд юм.

Тодотгол: Кембрижийн олон улсын шалгалтын топ үнэлгээг Монгол улсын хэмжээнд анх удаа Шинэ эрин сургууль 2013 (IGCSE Mathematics), удаах шагналыг Монгол тэмүүлэл сургууль 2016 онд (IGCSE Mathematics), Орчлон сургууль 2017 онд (IGCSE Mathematics, Combined Science and AS Mathematics) тус тус хүртэж байсан бол 2019 онд Шинэ эхлэл сургуулийн 12б ангийн сурагч М.Нямцэнгэл AS түвшний Зураг дизайн 9704 хөтөлбөрийн Монголын анхны ДЭЛХИЙН ТОП үнэлгээг эх орондоо авч ирлээ. Сүүлийн жилүүдэд Монгол сурагчид Кембрижийн олон улсын шалгалтын үнэлгээгээр Дэлхийд тэргүүлж бахархам амжилт гаргаж байна.

81958180_2916390341727459_1946978202207387648_n

November 21 2019

Дэлхийн ТОП үнэлгээ /TOP in the WORLD award/

Newbeginning Мэдээ, Сурагчдын зөвлөл 0

2019 оны хаврын Кембрижийн Олон улсын шалгалтыг амжилттай өгсөн суралцагч Мягмарнарангийн Нямцэнгэл болон түүнийг амжилттай бэлтгэж, Art and Design 9704 хөтөлбөрийг амжилттай хэрэгжүүлэн хамгийн өндөр оноо буюу Дэлхийн ТОП /TOP in the WORLD award/ үнэлгээ авч, сургууль болон Монгол Улсынхаа нэрийг олон улсын түвшинд өндөрт өргөсөн зураг зүйн багш Г.Галмандахдаа нийт багш, суралцагчдынхаа өмнөөс халуун баяр хүргэж, #Монгол_Кембрижийн_санаачлага төслийн хүрээнд хамтран ажиллаж ирсэн боловсролын салбарын нөхөд, хамт олондоо талархал илэрхийлье.

Дэлхийн ТОП үнэлгээ /TOP in the WORLD award/

74523235_2795773603789134_465390552976719872_n

November 15 2019

“Developing learning skills as a Cambridge learner” илтгэлийн уралдаан

Newbeginning Мэдээ, Сурагчдын зөвлөл 0

ОУ-ын хөтөлбөрийн сургалттай 3 сургуулийн суралцагчдын “Developing learning skills as a Cambridge learner” илтгэлийн уралдаанд манай суралцагчид амжилттай оролцож, IGCSE хөтөлбөрийн ангилалд 10б ангийн суралцагч Т.Тэнгиснамуун, A level хөтөлбөрийн ангилалд 12б ангийн суралцагч Н.Билгүүн-Од нар ТЭРГҮҮН байрыг тус тус эзлэв.

70959517_2688339594532536_6136213543797653504_n

September 22 2019

Намрын спортын наадам – 2019

Newbeginning Мэдээ, Сурагчдын зөвлөл 0

Олон улсын хөтөлбөрийн сургалттай, төрийн өмчит, ерөнхий боловсролын сургуулиудын дунд зохиогдсон “Намрын спортын наадам-2019” тэмцээн амжилттай болж, дүнгээ гаргалаа.

Спортын наадмын төрлүүд:

Ойрын зайн гүйлт: 100м
Буухиа гүйлт: 4*100м
Тэсвэрийн гүйлт: 200, 400, 800, 1200 м
Харайлт: Байрнаас уртад, уртын харайлт
Хүчний төрөл: Үндэсний бөх, олс таталт
Хөлбөмбөг

Намрын спортын наадмыг амжилттай зохион байгуулсан олон улсын хөтөлбөрийн сургалттай сургуулиудын биеийн тамирын багш нар, ангиа амжилттай бэлтгэн оролцуулсан АУБ нар болон эцэг эх, асран хамгаалагчид, дэмжиж тусалсан бүх хүмүүст талархал илэрхийлье. Мөн суралцагчдад маань нэг өдрийг спорттой нөхөрлөн, аз жаргал дүүрэн өнгөрүүлэх боломж олгосон Төв цэнгэлдэх хүрээлэнгийн удирдлагууд, хамт олонд талархсанаа илэрхийлье.

60604524_852477791781528_8476752333915553792_o

May 15 2019

Шилдэг бизнес төсөл – 2019

Newbeginning Мэдээ, Сурагчдын зөвлөл 0

Монгол Улсын их хурлын гишүүн Жамбалын Ганбаатарын санаачлагаар уламжлал болгон зохион байгуулагддаг “ШИЛДЭГ БИЗНЕС ТӨСӨЛ – 2019″ уралдааны хаалтын үйл ажиллагаа буюу шагнал гардуулах арга хэмжээ Төрийн ордны Их танхимд амжилттай боллоо. Энэ жилийн уралдаанд Нийслэлийн Баянгол дүүргийн ахлах ангийн 690 гаруй суралцагч хамрагдсан. Тус уралдаанд Олон улсын хөтөлбөрийн сургалттай, төрийн өмчийн, ерөнхий боловсролын “Шинэ эхлэл” сургуулийн суралцагчид амжилттай оролцож, 11-р ангийн суралцагч Ц.Мөнххүслэн 1-р байрт шалгарч, 10 сая төгрөгийн шагнал хүртлээ. Түүнчлэн 12-р ангийн суралцагч Ө.Базарсад, Б. Сарнай, Э.Мөнхсувд нар тусгай байр эзлэн тус бүр 800 мянган төгрөгийн шагналыг, 11-р ангийн сурагч А.Төгөлдөр, М.Нямцэлмэг, Н.Ган-Ялалт, Г.Тэнүүн нар 100 мянган төгрөгийн шагналыг Төрийн ордонд гардан авлаа. Шилдэг бизнес төсөл шалгаруулах уралдааны зорилго, ач холбогдол нь ирээдүйн баялаг бүтээгчдийг төрүүлж, олон зуун ажлын байр шинээр бий болгох чадвартай бизнесменүүдийг төлөвшүүлэхийн зэрэгцээ тэдэнд урам зориг өгөхөд оршдог.

54432575_2359161587450340_7695673206417391616_n

March 23 2019

International Students Science Fair 2019

Newbeginning Мэдээ, Сурагчдын зөвлөл 0

ШИНЭ ЭХЛЭЛ СУРГУУЛИЙН “NBISM” БАГ

2019-03-17.

Олон улсын шинжлэх ухаанч сургуулиудын холбооноос зохион байгуулдаг #International_Students_Sciense_Fair_2019 уулзалтад оролцохоор Сингапур улсыг зорилоо.

Өмнө нь:
2016 онд Японд #Сүү_цагаан_идээний_ач_тус,
2017 онд БНСУ #Үхрийн_сүүний_уургийн_нийлэмж #Монгол_гэрийн_бөх_бат_байдал /шилдэг постероор шалгарсан/,
2018 онд АНУ-д #Хонины_годон_сүүлний_ач_тус зэрэг судалгаагаар оролцож байсан бол

Энэ удаад:
#Монгол_сур_түүний_давуу_тал сэдвээр оролцоно.

Дараагийн удаа:
Ирэх 6-р сард БНСУ-д “Монгол жимсний С витаминий нийлэмж” сэдвээр,
8-р сард Серби улсад Нийгмийн ШУ-ны судалгааны ажлаар,
11-р сард Япон улсад Технологийн судалгааны ажлаар оролцохоор төлөвлөөд байна.

11 дүгээр ангийн суралцагч М.Тэмүүлэн, Н.Хатанбаатар, Э.Төржаргал нартаа амжилт хүсье.

2019-03-20.

Сингапур улсад зохиогдож буй “ISSF-2019” шинжлэх ухааны судалгааны илтгэлийн үзэсгэлэнгийн арга хэмжээнд “Шинэ эхлэл” сургуулийн баг маш амжилттай оролцсоор байна. 2019 оны 3-р сарын 20-ны өдөр олон улсын шинжлэх ухаанч холбооны гүйцэтгэх удирдлагын хороонд (Executive working group) сургуулийнхаа танилцуулгыг маш амжилттай танилцуулж, асуулт хариултаар дүүрэн, халуун ярилцлага өрнөлөө. Үүний дараа сургуулийн төгсөгчдийн мэдээллийг танилцуулахыг хүссэний дагуу дахин нэг илтгэл танилцууллаа. Бидэнд цаашид энэхүү арга хэмжээнд улам их амжилт гаргахыг хүсэж, хамтран ажиллаж, дэмжинэ гэдгээ илэрхийллээ.

2019-03-23.

Олон улсын ISSF-2019-ийн Соёлын үдэш арга хэмжээнд “Шинэ эхлэл” сургуулийн суралцагчдын “Монгол бүжиг” үзүүлбэр олон орны 150 гаруй суралцагчдын үзүүлбэрүүдээс “Соёлын шилдэг үзүүлбэр”-ээр /Best cultural performance/ шалгарлаа. Мөн суралцагч М.Тэмүүлэн оролцогчдоос шалгаруулдаг цор ганц номинаци болох “Хамгийн идэвхтэй оролцогч”-оор /Best active participant/ шалгарлаа. National Junior College-ийн захирал, доктор An Pow Chew өөрийн биеэр баяр хүргэн, шагнал гардууллаа. Суралцагчдын маань бүжгийг бэлдсэн, зөвлөсөн, хувцасыг нь урлаж өгсөн болон судалгааны ажилд нь зөвлөн тусалсан эрхэм та бүгдэдээ баярлалаа.

Дашрамд хэлэхэд, бүх суралцагч, багш, захирлууд манай суралцагчдыг хамгийн “царайлаг, загварлаг” хэмээн онцолж, бүр “cool Mongolian boys” гэж хүртэл нэрлэдэг болсон байна.

48367537_2217225528310614_5806017218290384896_n

December 1 2018

“STEM PROJECT-2018” төсөлт хичээл

Newbeginning Мэдээ, Сурагчдын зөвлөл 0

Олон улсын хөтөлбөрийн сургалттай, төрийн өмчит, ерөнхий боловсролын “Шинэ эхлэл” сургууль 2018-2019 оны хичээлийн жилийн урлагийн наадмыг төсөлт хичээлийн хамт Олон улсын хүүхдийн Найрамдал цогцолбор дээр амжилттай зохион байгууллаа.

Урлагийн наадамд

IX-XII ангийн ангилалд Б.Цэнд багштай 9А анги I дүгээр байрт,

VI–VIII ангийн ангилалд Б.Нямсүрэн багштай 6А анги I байрт тус тус шалгарлаа.

Stem Project – 2018 төсөлт хичээлийн хүрээнд

Нийгмийн ухааны багш Г.Түвшинжаргалын чиглүүлсэн “Монгол сур, сурыг боловсруулах” төсөл- Тэргүүн байрт,
Физикийн багш У.Мөнх-Очирын чиглүүлсэн “Сэргээгдэх эрчим хүч” төсөл- Дэд байрт,
Биологийн багш Э.Гэрэлтуяагийн чиглүүлсэн “Эко бордоо гарган авах боломж” төсөл- Гутгаар байрт,
Математикийн багш М.Уянгын чиглүүлсэн “Хуванцар савны хэрэглээг багасгах, ангилах боломж” төсөл- Тусгай байрт,
Химийн багш Ж.Батхишигийн чиглүүлсэн “Жимс жимсгэнийг хэрхэн сонгож, зохистой хэрэглэх боломж” төсөл-Тусгай байрт,
Бизнес судлалын багш Д.Солонгын чиглүүлсэн “Зар сурталчилгаа ба зохистой хэрэглээ” төсөл-Тусгай байрт тус тус шалгарлаа.