Newbeginning
About Newbeginning
Posts by :
“Өв соёлоо өвлөн суралцъя – 2022” урлагийн наадам
Олон улсын хөтөлбөрийн сургалттай, нийслэлийн ерөнхий боловсролын Шинэ эхлэл сургуулийн 2022-2023 оны хичээлийн жилийн “Өв соёлоо өвлөн суралцъя” урлагийн наадмыг ГЗЗАН, холбогдох нэгж, алба, байгууллагуудтай хамтран, 6-9, 10-12 дугаар анги гэсэн 2 ангиллаар амжилттай зохион байгууллаа.
Урлагийн наадмын нэгдсэн дүнгээр:
1. 6-9 дүгээр ангийн ангилалд:
Ж.Батхишиг багштай 9б анги – Тэргүүн байр
А.Айтолхын багштай 9а анги – Дэд байр
Б.Болортуяа багштай 6б анги – Гутгаар байр
2. 10-12 дугаар ангийн ангилалд:
Г.Оюун багштай 10а анги – Тэргүүн байр
Б.Шинэтуяа багштай 12б анги – Дэд байр
Д.Туяа багштай 12а анги – Гутгаар байрыг тус тус эзэллээ.
Урлагийн наадамд анги хамт олноо сайн бэлтгэн зохион байгуулж, амжилттай оролцсон нийт АУБ нар, суралцагчдадаа, дэмжиж, хамтран ажилласан эцэг эх, асран хамгаалагчдадаа талархал илэрхийлье.
Зөвлөх багшийн манлайлал
Монгол Улсын зөвлөх багш Ж.Батхишиг, С.Уранчимэг нарын санаачлагаар олон улсын хөтөлбөрийн сургалттай “Шинэ эхлэл” сургууль, лаборатори 20 дугаар сургууль, БГД-ийн Боловсролын хэлтэс хамтран ерөнхий боловсролын сургуулийн ахлах ангид сургалт явуулж буй химийн багш нарт агуулгын элементарчлал, явцын үнэлгээ хийх, хэрэглэгдэхүүн боловсруулах, арга зүйн шилдэг туршлага, оновчтой шийдлүүдээ хуваалцах, туршлага солилцох үйл ажиллагааг Баянгол дүүргийн химийн багш нарын дунд 3 үе шаттайгаар зохион байгуулахаар төлөвлөн, I шатанд зөвлөх багш нар үзүүлэх хичээл зааснаар амжилттай болж өндөрлөсөн. Улмаар II шатанд, 11-р сарын 03-аас 11-р сарын 10-ны өдрүүдэд БГД-ийн химийн багш нар 8 багт хуваагдан ахлах ангийн хичээлээ зөвлөх багш нартай хамтран бэлтгэсэн. III шат болох 11-р сарын 11-ний өдөр химийн багш нар Лаборатори 20 дугаар сургуулийн 10-12 дугаар ангийн химийн сонгоны суралцагчдад ахлах ангийн хүндэвтэр сэдвийн 8 цагийн хичээлийг амжилттай зааж, БГД-ийн 18 сургуулийн 52 химийн багш сууж ажиглан онол арга зүйн туршлага солилцлоо.
Мөн БГД-ийн химийн багш нарын дунд волейболын тэмцээнийг зохион байгуулж, I байрт ЭӨЦС-ийн баг, II байрт 20, 51, 38 дугаар сургуулийн баг, III байрт 28, 93 дугаар сургуулийн баг тамирчид тус тус шалгарав.
“Өсвөрийн парламент – 2022” хөтөлбөрийн нээлтийн үйл ажиллагаа боллоо
“Өсвөрийн парламент 2022” хөтөлбөрт оролцогч, нийслэлийн ерөнхий боловсролын “Шинэ эхлэл” сургуулийн 11А ангийн суралцагч Н.Саруул: Хөтөлбөрт хамрагдсанаараа хүний эрх, ардчилал, парламентын үйл ажиллагаа гээд маш олон талын мэдлэгтэй болоод үе тэнгийнхэнтэйгээ хуваалцана.
Зөвлөх багш нар үзүүлэх хичээл заалаа
Монгол Улсын зөвлөх багш Ж.Батхишиг, С.Уранчимэг нарын санаачлагаар олон улсын хөтөлбөрийн сургалттай “Шинэ эхлэл” сургууль, лаборатори 20 дугаар сургууль, БГД-ийн Боловсролын хэлтэс хамтран ерөнхий боловсролын сургуулийн ахлах ангид сургалт явуулж буй химийн багш нар агуулгын элементарчлал, явцын үнэлгээ хийх, хэрэглэгдэхүүн боловсруулах, арга зүйн шилдэг туршлага, оновчтой шийдлүүдээ хуваалцах, туршлага солилцох үйл ажиллагааг Баянгол дүүргийн химийн багш нарын дунд 3 үе шаттайгаар зохион байгуулж байна.
I шатанд олон улсын хөтөлбөрийн сургалттай “Шинэ эхлэл” сургуулийн 11 дүгээр ангийн химийн сонгоны суралцагчдад 20 дугаар сургуулийн химийн багш С.Уранчимэг “3 дугаар үеийн элементүүдийн шинж чанар, зүй тогтол” сэдвээр, “Шинэ эхлэл” сургуулийн багш Ж.Батхишиг “3-р үеийн элементүүдийн үүсгэх оксид, хлоридын шинж” сэдвээр тус тус 40 минутын үзүүлэх хичээлийг амжилттай зааж, БГД-ийн 13 сургуулийн 17 химийн багш ажиглалт хийж, туршлага солилцлоо.
II шатанд, 11-р сарын 03-аас 11 сарын 10-ны өдрүүдэд БГД-ийн химийн багш нар 8 баг болж хуваагдан ахлах ангийн хичээлээ бэлтгэнэ. III шатанд, 11 сарын 11-ний өдөр 20 дугаар сургууль дээр химийн багш нар 8 цагийн хичээлээ зааж онол арга зүйн туршлага солилцоно.
Уншлагын хөтөлбөр 3 дахь жилдээ
Гадаад хэлний заах аргын нэгдэлээс зохион байгуулан, 2 жилийн турш “Read theory” болон бусад АПП, вэбсайтыг хэрэглэн суралцагчдыг уншуулсаар ирсэн билээ. Энэ хичээлийн жилд Англи хэлний багш Д. Амарбаясгалангийн санаачилгаар “Ruz-Plus” уншлагын программыг шинээр ашиглан, 6-7 дугаар ангийн суралцагчдын уншлагын хөтөлбөрийг 2022.11.01-ний өдрөөс эхлүүлж байна. 8-12 дугаар ангийн суралцагчдаар нас сэтгэхүйн онцлогт тохирсон цаасан болон электрон номуудыг Англи, Хятад хэл дээр уншуулж эхэллээ. 
Номын цагаан буян дэлгэрэх болтугай 
Эцэг эх, асран хамгаалагчдын спортын наадам
“Шинэ эхлэл” ОУХСС-ийн 2022-2023 оны хичээлийн жилийн эцэг эх, асран хамгаалагчдын спортын наадам волейбол, ширээний теннис, дартс, олс таталт гэсэн спортын дөрвөн төрлөөр амжилттай зохион байгуулагдаж, дүнгээ гаргалаа. Багийн дүнгээр Ж.Батхишиг багштай 9Б ангийн баг 1-р байрт, Д.Лхагвасүрэн багштай 11Б ангийн баг 2-р байрт, Б.Болортуяа багштай 6Б ангийн баг 3-р байрт тус тус шалгарлаа. Амжилттай оролцсон эцэг эх, асран хамгаалагчдадаа баяр хүргэж, амжилт хүсье.
“MonRobot Challenge – 2022” цуврал тэмцээн
Робот технологийн боловсролыг түгээн дэлгэрүүлэх, хүүхэд залуучуудын техник сэтгэлгээг хөгжүүлэх зорилготой “MONROBOT CHALLENGE 2022” цуврал тэмцээний эхний сорил “Шинэ эрин” ОУХСС дээр амжилттай зохион байгуулагдлаа. Тус тэмцээний “Цагаан шугам” төрөлд “Шинэ эхлэл” ОУХСС-ийн суралцагч Б.Бишрэл, Г.Нямбаяр, С.Ананд нарын бүрэлдэхүүнтэй “Tayo” баг тэргүүн байрт шалгарч, өргөмжлөл, мөнгөн шагнал хүртлээ. Амжилттай оролцсон суралцагчдадаа баяр хүргэж, амжилт хүсье.
“Spelling bee – 2022” Англи хэлний тэмцээн
6-7 дугаар ангийн суралцагчдын дунд зохион байгуулагдсан “Spelling bee” тэмцээний 2 дугаар шатанд анги тус бүрээс шалгарсан нийт 24 суралцагч оролцож, мэдлэг чадвараа сорилоо. Уралдаанд 6a ангийн суралцагч Б.Эрдэнэбилэг I байрт, 6б ангийн суралцагч Г.Дөлгөөн II байрт, 6б ангийн суралцагч М.Дэлгэрсайхан III байрт шалгарлаа. 7 дугаар ангийн төрөлд 7а ангийн суралцагч М.Мөнгөнбаяр I байрт, 7б ангийн суралцагч Г.Биндэръяа II байрт, 7а ангийн суралцагч Д.Өнө-Учрал III байрт шалгарлаа. 1, 2 дугаар байр эзэлсэн 4 суралцагчийг “Kidsa-z” цахим номын сангийн 1 жилийн эрхээр шагнаж, III байр эзэлсэн 2 суралцагчийг номоор урамшуулж, батламж гардууллаа.
Дэлхийн гар угаах өдөр
Жил бүрийн 10 дугаар сарын 15-нд болдог #ДЭЛХИЙН_ГАР_УГААХ_ӨДӨР-ийг тэмдэглэн, 6 дугаар ангийн бяцхан суралцагчдад “ЦЭВЭР ГАР – ЭРҮҮЛ БИЕ” сэдэвт сургалтыг зохион байгуулж, сургалтаар олж авсан мэдлэгийг танин мэдэхүйн “АХА” тэмцээнээр дүгнэлээ.
Тэргүүн байрт – 6Б ангийн суралцагч Б.Тэмүүн,Дэд байрт- 6А ангийн суралцагч М.Дэлгэрсайхан нар шалгарч ивээн тэтгэгч байгууллага болох Urgana брэндийн гарын бэлгээр шагнууллаа. 
Дэлхийн гар угаах өдрөөр хамтран ажилласан @Urgana брэнддээ талархал илэрхийлье 
