Шинэ эхлэл ОУХСС-ийн 2022-2023 оны хичээлийн жилийн намрын спортын наадам БЗД-ийн Шинэ олимпын цэнгэлдэх хүрээлэнд амжилттай болж, дүнгээ гаргалаа. Тус тэмцээн спортын найман төрлөөр, 6-7-р анги, 8-9-р анги, 10-12-р ангийн ангиллуудаар зохион байгуулагдлаа. Тэмцээний 6-7-р ангийн ангилалд А.Номин-Эрдэнэ багштай 7А анги, 8-9-р ангийн ангилалд Ж.Батхишиг багштай 9Б анги, 10-12-р ангийн ангилалд Б.Шинэтуяа багштай 12Б ангиуд багийн дүнгээр тус тус тэргүүллээ. Амжилттай оролцсон суралцагчдадаа баяр хүргэж, амжилт хүсье.
ГХЗАН-ээс уламжлалт “Let’s make friends” сургалтыг дэмжих үйл ажиллагааг 6 дугаар ангийн сурагчдын дунд, бие биетэйгээ танилцах, хамтдаа хөгжөөнт тоглоом тоглох, найзууд болох зорилгоор амжилттай зохион байгууллаа.
Олон улсын хөтөлбөрийн сургалттай, нийслэлийн ерөнхий боловсролын “Шинэ эхлэл” сургууль БОАЖЯ, БШУЯ, ШХА-ын хамтарсан #Тогтвортой_хөгжлийн_зорилго_2022 нээлттэй өдөрлөгт “Тогтвортой хөгжлийн боловсрол-II” төслийн хүрээнд хүрсэн ололт, амжилтаа танилцуулж оролцлоо.
“Шинэ эхлэл” олон улсын хөтөлбөрийн сургалттай сургуулийн суралцагчид, багш, ажилтнууд, эцэг эх, асран хамгаалагчид болон хамтран ажилладаг байгууллагууддаа 2022-2023 оны хичээлийн шинэ жилийн баярын мэнд хүргэе.
