Ажлын байрны зар
Олон улсын хөтөлбөрийн сургалттай, төрийн өмчит “Шинэ эхлэл” сургууль дараах ажлын байрны сонгон шалгаруулалтад урьж байна.
1. Сургуулийн сэтгэл зүйч
Newbeginning
About Newbeginning
Posts by :
Сингапурын олон улсын шинжлэх ухааны цахим үзэсгэлэнд амжилттай оролцлоо
“Сайныг сэтгэгч дэлхийн иргэд” уриан дор дэлхийн 40 сургуулиас 200 гаруй оролцогч өөрсдийн шинжлэх ухааны талаарх туршлага, ойлголтыг солилцохоор Сингапурын олон улсын шинжлэх ухааны уралдаанд оролцлоо.
“Шинэ эхлэл” сургуулиас Ж.Батхишиг, Б.Мөнхшүр багш нарын удирдлагад 11 дүгээр ангийн суралцагч Э.Сарнай, Б.Мягмардорж, П.Анударь нар “Сүү, сүүн бүтээгдэхүүний хэрэглээ ба шүдний өвчлөл” судалгааны ажлаар амжилттай оролцлоо. Уг уралдааны үеэр өөр орны 3 суралцагч хамтран 1 баг болж, “Загвар гаргах, бүтээх, турших” сорилгод хамтран ажилласан бөгөөд Э.Сарнай гуравдугаар байрын, Б.Мягмардорж “Олны таашаалд нийцсэн номинаци”-ийн шагналыг тус тус хүртлээ.
Багш суралцагчдынхаа цаашдын сурлага, хөдөлмөр, судалгааны ажилд нь амжилт хүсье.
Сургуулийн хөгжилд бидний оролцоо аян
“Сургуулийн хөгжилд бидний оролцоо аян”-ы хүрээнд цар тахлын хүнд хэцүү цаг үед цахим хичээлээ амжилттай зохион байгуулсан сургуулийнхаа багш, ажилтнуудын дархлааг дэмжиж сайн үйлсийн аян эхлүүлсэн 10а ангийн суралцагч А.Мустафагийн гэр бүлийнхэнд баярлаж талархсанаа илэрхийлье. Сайхан сэтгэл, сайн санааны тус буян нь танай сайхан гэр бүлд хурах болтугай.
“Хаягдлыг хэмнэж баялаг бүтээе” бүтээлийн уралдаан
6-9-р ангийн суралцагчдын дунд зохион байгуулсан “Хаягдлыг хэмнэж баялаг бүтээе” бүтээлийн уралдааны тайлан.
Хятад хэлний түвшин тогтоох HSK шалгалт
Ахин 2 суралцагч ОУ-д хүлээн зөвшөөрөгдсөн хятад хэлний түвшин тогтоох HSK шалгалтад тэнцлээ. Уг шалгалтын хувьд 1-2 дугаар дэс нь шалгуулагчийн анхан шатны, 3-4 дүгээр дэс нь дунд түвшний, 5-6 дугаар дэс нь дээд түвшний хятад хэлний мэдлэгийг тодорхойлдог бөгөөд 2020-2021 оны хичээлийн жилд анх удаа HSK шалгалтад бэлтгэх хөтөлбөрийг 12 дугаар ангийн хичээлийн хуваарьт тусган, хэрэгжүүлсэн билээ. Амаргүй хэлийг тууштай суралцаж, амжилт гаргасан шавь нартаа улам их амжилтыг хүсэн ерөөе. Хятад хэлний багш А.Номин-Эрдэнэдээ цаашид улам олон суралцагчдыг амжилтад хөтлөхийг хүсье. 
Уншлагын хөтөлбөр – 2021
ГХЗАН-ээс 2020-2021 оны хичээлийн жилд зохион байгуулсан “Уншлагын хөтөлбөр 2021”-ийн үр дүнг хүргэж байна. Бүтэн жилийн туршид идэвхтэй оролцсон суралцагчид болон амжилттай зохион байгуулсан багш нартаа талархал илэрхийлье. 6а ангийн суралцагч Ч.Билгүүнтөгс, 7б ангийн суралцагч Э.Энхзориг нар 2 удаа англи хэлээр “Шилдэг уншигч”-аар шалгарсан бол, 9а ангийн суралцагч С.Төгсжаргал хятад, англи хэлний 2 төрөлд хоёуланд нь “Шилдэг уншигч”-аар шалгарсан бахдам амжилтыг үзүүлсэн байна. Анги хамт олноо манлайлсан “ШИЛДЭГ”-үүддээ баяр хүргээд, номын цагаан буян дэлгэрэх болтугай гэж ерөөе!
Гадаад хэлний олон улсад хүлээн зөвшөөрөгдсөн шалгалтууд
Хэдийгээр 2020-2021 оны хичээлийн жилд COVID-19-ийн нөхцөл байдлаас шалтгаалан орон даяар гадаад хэлний түвшин тогтоох шалгалтууд олон удаа хойшлогдож, цөөн хэдхэн удаа зохион байгуулагдсан ч манай сурагчид ОУ-д хүлээн зөвшөөрөгдсөн англи хэлний IELTS болон хятад хэлний HSK шалгалтуудыг өгч, амжилтуудыг үзүүлсээр байна. Шалгалтад амжилттай оролцсон суралцагчид болон бэлтгэсэн багш нартаа цаашдын сурлага хөдөлмөрт нь өрнүүн их амжилтыг хүсэн ерөөе. 
Дашрамд дуулгахад манай сургууль нь Кембриджийн ОУ-ын English as a First language IGCSE, English as a Second language IGCSE, Mandarin Chinese as a foreign language IGCSE, Chinese language AS хөтөлбөрүүд болон IELTS, HSK шалгалтад бэлтгэх хөтөлбөрүүдийг болон ОУ-ын хөтөлбөрүүдэд дэмжлэг болгох зорилгоор төрөлх англи хэлтэй, гадаад багш нартай хамтран сургуулийн хэмжээнд SSP хөтөлбөрийг тус тус хэрэгжүүлдэг.
Эмчийн зөвлөгөө
Суралцагч та бүхний гэр бүлийн хэн нэгэн Коронавируст халдвартай гэрийн тусгаарлалтад байгаа бол дараах зөвлөмжийг хүргэж байна.
Ханзны уран бичлэгийн уралдаан – 2021
Гадаад хэлний заах аргын нэгдэлээс зохион байгуулсан “Ханзны уран бичлэгийн уралдаан”-д амжилттай оролцсон суралцагчдадаа баяр хүргэе.
Видеонд ашигласан дуу: Дуучин 夢然 Mira -гийн “少年”
Эмчийн зөвлөгөө
Коронавируст халдварын тархалт хүрээгээ тэлсээр л байна. Иймд эрхэм суралцагчид та бүхэн минь халдварт өвчнөөс өөрсдийгөө болон гэр бүлээ хамгаалж, гадуур гарахгүй гэр гэртээ байж, халдвараас сэргийлэх заавар зөвлөмжөө дагаарай.
