2019-2020 оны хичээлийн жилийн нээлтийн үйл ажиллагаа
Эрхэм хүндэт эрдэмтэн багш, ажилтнууд, эцэг эх, асран хамгаалагчид, суралцагчдадаа 2019-2020 оны хичээлийн шинэ жилийн баярын мэнд хүргэе.
Newbeginning
About Newbeginning
Posts by :
Олон улсын химийн олимпиадаас хүрэл медаль хүртлээ
Франц улсын Парис хотод болсон Олон улсын химийн 51 дэх олимпиадаас “Шинэ эхлэл” ОУХСС-ийн 12Б ангийн суралцагч Б.Арвин хүрэл медаль хүртлээ. Амжилттай оролцсон суралцагчид болон бэлтгэсэн химийн багш Ж.Батхишигт баяр хүргэж, улам их амжилтыг хүсэн ерөөе.
Шилдэг бизнес төсөл – 2019
Монгол Улсын их хурлын гишүүн Жамбалын Ганбаатарын санаачлагаар уламжлал болгон зохион байгуулагддаг “ШИЛДЭГ БИЗНЕС ТӨСӨЛ – 2019″ уралдааны хаалтын үйл ажиллагаа буюу шагнал гардуулах арга хэмжээ Төрийн ордны Их танхимд амжилттай боллоо. Энэ жилийн уралдаанд Нийслэлийн Баянгол дүүргийн ахлах ангийн 690 гаруй суралцагч хамрагдсан. Тус уралдаанд Олон улсын хөтөлбөрийн сургалттай, төрийн өмчийн, ерөнхий боловсролын “Шинэ эхлэл” сургуулийн суралцагчид амжилттай оролцож, 11-р ангийн суралцагч Ц.Мөнххүслэн 1-р байрт шалгарч, 10 сая төгрөгийн шагнал хүртлээ. Түүнчлэн 12-р ангийн суралцагч Ө.Базарсад, Б. Сарнай, Э.Мөнхсувд нар тусгай байр эзлэн тус бүр 800 мянган төгрөгийн шагналыг, 11-р ангийн сурагч А.Төгөлдөр, М.Нямцэлмэг, Н.Ган-Ялалт, Г.Тэнүүн нар 100 мянган төгрөгийн шагналыг Төрийн ордонд гардан авлаа. Шилдэг бизнес төсөл шалгаруулах уралдааны зорилго, ач холбогдол нь ирээдүйн баялаг бүтээгчдийг төрүүлж, олон зуун ажлын байр шинээр бий болгох чадвартай бизнесменүүдийг төлөвшүүлэхийн зэрэгцээ тэдэнд урам зориг өгөхөд оршдог.
Нийслэлийн 9-р анги хамт олны монгол хэл, бичгийн олимпиад
Нийслэлийн 9-р анги хамт олны монгол хэл, бичгийн олимпиадад “Шинэ эхлэл” сургуулийн 9А ангийн хамт олон гутгаар байрт шалгарлаа. Монгол хэлний багш Ж.Мөнхсайхан, анги удирдсан багш Б.Цэнд нартаа болон суралцагчдадаа баяр хүргэж, суурь боловсролын улсын шалгалт, олон улсын шалгалтад нь өндөр амжилт хүсье.
Олимпиадын нэг онцлог төрөл бол бүхэл бүтэн ангиараа оролцдог уралдаан юм. Энэхүү уралдаан нь зөвхөн онцгой авьяастай цөөн суралцагч оролцдог олимпиадаас ялгаатай. Тус уралдаанд баг, хамт олноороо оролцдог бөгөөд энэ нь бүх суралцагчийг жигд сургаж байгаа эсэхийг харуулдаг.
Global Youth Entrepreneurship Challenge 2019
“Global Youth Entrepreneurship Challenge-2019” тэмцээний аврага багаар “Шинэ эхлэл” сургуулийн баг тодорлоо. Манай сургуулийн багийн хувьд уралдааны эхний шатыг амжилттай давж, 2-р шатанд “Food security” сэдвээр 12 цагийн туршид бизнес санаа гарган хөгжүүлж, загвар бүтээгдэхүүн болон эдийн засгийн бүхий л тооцооллыг хийн, түүнийгээ англи хэл дээр танилцуулсан. Багийн ажиллагаа болон өөрсдийгөө илэрхийлэх, бизнес төсөл бичих чадвараараа шилдэг нь байсан суралцагчдадаа баяр хүргэе.
PROUD OF YOU GUYS
Багш Д.Солонго12А ангийн суралцагч Ө.Биндэръяа, Б.Сарнай12Б ангийн суралцагч Ө.Базарсад, Э.Бум-Эрдэнэ, Ж.Номинзул, Э.Билгүүнжаргал, А.Түвшинзаяа, Т.Дашнамжил.
Олон улсын шинжлэх ухаанч сургуулиудын холбооны гишүүн боллоо
Монгол хүүхдүүд, багш нарын өрнүүлж буй судалгааны ажлыг дэлхийтэй холбох, энэхүү холбоосоор дамжуулан олон монгол багш, суралцагчдыг дэлхийтэй хөл нийлүүлэн алхах боломжийг олгох зорилго тавин 2016 оноос зүтгэсэн ажлын үр дүн өнгөрөгч 7 хоногт гарч, “Шинэ эхлэл” сургууль ISSN байгууллагын гишүүн боллоо. Тусалж дэмжсэн, хамтран зүтгэсэн хамт олондоо баяр хүргэе. Даалгавраа амжилттай биелүүлсэн Ц.Солонго, Г.Түвшинжаргал багш нартаа болон суралцагчдадаа маш их талархлаа. Үе үеийн багийн гишүүд суралцагч, шавь нартаа баяр хүргэе. Цаашид олон олон дүү нар нь та нарын үргэлжлэл байх болно гэдэгт итгэлтэй байна. Энэ холбоонд хүлээсэн хэд хэдэн үүрэг хэрэгжиж эхэллээ.
International Students Science Fair 2019
ШИНЭ ЭХЛЭЛ СУРГУУЛИЙН “NBISM” БАГ
2019-03-17.
Олон улсын шинжлэх ухаанч сургуулиудын холбооноос зохион байгуулдаг #International_Students_Sciense_Fair_2019 уулзалтад оролцохоор Сингапур улсыг зорилоо.
Өмнө нь:
2016 онд Японд #Сүү_цагаан_идээний_ач_тус,
2017 онд БНСУ #Үхрийн_сүүний_уургийн_нийлэмж #Монгол_гэрийн_бөх_бат_байдал /шилдэг постероор шалгарсан/,
2018 онд АНУ-д #Хонины_годон_сүүлний_ач_тус зэрэг судалгаагаар оролцож байсан бол
Энэ удаад:
#Монгол_сур_түүний_давуу_тал сэдвээр оролцоно.
Дараагийн удаа:
Ирэх 6-р сард БНСУ-д “Монгол жимсний С витаминий нийлэмж” сэдвээр,
8-р сард Серби улсад Нийгмийн ШУ-ны судалгааны ажлаар,
11-р сард Япон улсад Технологийн судалгааны ажлаар оролцохоор төлөвлөөд байна.
11 дүгээр ангийн суралцагч М.Тэмүүлэн, Н.Хатанбаатар, Э.Төржаргал нартаа амжилт хүсье.
2019-03-20.
Сингапур улсад зохиогдож буй “ISSF-2019” шинжлэх ухааны судалгааны илтгэлийн үзэсгэлэнгийн арга хэмжээнд “Шинэ эхлэл” сургуулийн баг маш амжилттай оролцсоор байна. 2019 оны 3-р сарын 20-ны өдөр олон улсын шинжлэх ухаанч холбооны гүйцэтгэх удирдлагын хороонд (Executive working group) сургуулийнхаа танилцуулгыг маш амжилттай танилцуулж, асуулт хариултаар дүүрэн, халуун ярилцлага өрнөлөө. Үүний дараа сургуулийн төгсөгчдийн мэдээллийг танилцуулахыг хүссэний дагуу дахин нэг илтгэл танилцууллаа. Бидэнд цаашид энэхүү арга хэмжээнд улам их амжилт гаргахыг хүсэж, хамтран ажиллаж, дэмжинэ гэдгээ илэрхийллээ.
2019-03-23.
Олон улсын ISSF-2019-ийн Соёлын үдэш арга хэмжээнд “Шинэ эхлэл” сургуулийн суралцагчдын “Монгол бүжиг” үзүүлбэр олон орны 150 гаруй суралцагчдын үзүүлбэрүүдээс “Соёлын шилдэг үзүүлбэр”-ээр /Best cultural performance/ шалгарлаа. Мөн суралцагч М.Тэмүүлэн оролцогчдоос шалгаруулдаг цор ганц номинаци болох “Хамгийн идэвхтэй оролцогч”-оор /Best active participant/ шалгарлаа. National Junior College-ийн захирал, доктор An Pow Chew өөрийн биеэр баяр хүргэн, шагнал гардууллаа. Суралцагчдын маань бүжгийг бэлдсэн, зөвлөсөн, хувцасыг нь урлаж өгсөн болон судалгааны ажилд нь зөвлөн тусалсан эрхэм та бүгдэдээ баярлалаа.
Дашрамд хэлэхэд, бүх суралцагч, багш, захирлууд манай суралцагчдыг хамгийн “царайлаг, загварлаг” хэмээн онцолж, бүр “cool Mongolian boys” гэж хүртэл нэрлэдэг болсон байна.
БГД-ийн химийн олимпиад
“Шинэ эхлэл” сургуулийн суралцагчид БГД-ийн химийн олимпиадад амжилттай оролцож, дараагийн шатанд оролцох 4 ангиллын 24 эрхээс 17-г нь авав. ОУ-ын хөтөлбөрийн сургалтад олимпиад, уралдаанд бэлтгэх гэсэн тусгайлсан агуулга байдаггүй. Гэсэн хэдий ч энэхүү сургалтын үр шим нь олимпиадын үзүүлэлтэд эерэгээр нөлөөлж буйг харуулсан нэгэн жишээ энэ болой. Химийн Ж.Батхишиг, Б.Батцэцэг багш нартаа болон амжилттай суралцаж буй суралцагчдадаа баяр хүргэе.
БГД-ийн англи хэлний олимпиад
Хүүхэд залуусын мөрөөдөл, цаашлаад зорилго болсон зүйл бол дэлхийн топ сургуулиудад элсэн суралцах явдал юм. Харин 2018 онд Харвард, Оксфорд, Кембриж зэрэг сургуулиудад шууд элсэн суралцах эрхийг “Шинэ эхлэл” сургуулиараа дамжуулан олж авсан төгсөгчид бий. Дараагийн үеүд нь дээрх амжилт руу буухиалсаар байгаагийн нэг илрэл нь энэ юм.
