Монгол Улсын физикийн 36-р олимпиад
Монгол Улсын физикийн 36-р олимпиадаас 9А ангийн суралцагч Г.Энэрэл хүрэл медаль хүртлээ. Амжилттай оролцсон суралцагч болон бэлтгэсэн физикийн багш Э.Гантуяад баяр хүргэж, улам их амжилтыг хүсэн ерөөе.
Newbeginning
About Newbeginning
Posts by :
Монгол Улсын биологийн 35-р олимпиад
Монгол Улсын биологийн 35-р олимпиадаас 9А ангийн суралцагч М.Мөнгөнбаяр алтан медаль хүртлээ. Амжилттай оролцсон суралцагч болон бэлтгэсэн биологийн багш Б.Өлзий-Оршиход баяр хүргэж, улам их амжилтыг хүсэн ерөөе.
Америкийн математикийн олимпиад 2024
Жил бүр уламжлал болгон зохион байгуулагддаг “AMO-2024” олон улсын математикийн олимпиадад манай суралцагчид амжилттай оролцож, бахдам амжилт үзүүллээ. Олимпиадын дүн гарч, шагналт байрт шалгарсан суралцагчид маань шагналаа гардан авсан бөгөөд:
Алтан медалийг 6 суралцагч,
Мөнгөн медалийг 15 суралцагч,
Хүрэл медалийг 26 суралцагч, Тусгай байрын шагналыг 13 суралцагч хүртсэн байна.
Суралцагчдадаа халуун баяр хүргэж, сурлага, хөдөлмөрийн өндөр амжилтыг хүсэн ерөөе.
Дэлхийн их, дээд сургуулиуд “Шинэ эхлэл”-д
АНУ, Япон, Канад, Хонконг, Швейцарь, Унгар улсаас 10 сургуулийн төлөөлөл ирж, тухайн сургуулиудад элсэн ороход тавьдаг шаардлагууд, тэтгэлэгт хөтөлбөрийн тухай мэдээллийг ахлах ангийн суралцагчдад биечлэн уулзаж өглөө.Түүнчлэн энэ хичээлийн жилд гадаадын их, дээд сургуулиудад элсэн суралцахад зөвлөн туслах хөтөлбөрийн хүрээнд:
Хонконг улсын City University of Hong Kong сургуулийн элсэлтийн албаны төлөөлөгч Сюзан Ву айлчлан ирж, өөрийн сургуулийн элсэлтийн журам, тэтгэлэгт хамрагдах, Хонконгт сурах тухай яриа мэдээллийг, “Жосто” төвөөс Япон улсад суралцах хүсэлтэй суралцагчдад тус улсад суралцахад анхаарах зүйлс, тэтгэлэгт хөтөлбөрийн тухай зөвлөгөө мэдээллийг, Интеракт клубээс санаачлан 2024 оны төгсөгч М.Эрмүүнийг урьсан бөгөөд тэрбээр “БНХАУ-д хэрхэн тэтгэлэгтэй суралцах вэ?” зөвлөгөө мэдээллийг, 10а ангийн АУБ болон эцэг эх, асран хамгаалагчдаас санаачлан Стоик боловсролын зөвлөх байгууллагыг урьж “Гадаадын их, дээд сургуулиудад хэрхэн өргөдөл гаргах вэ?” сургалтыг явуулсан ба эдгээр уулзалт, сургалтын үеэр суралцагчдад их, дээд сургуулиудад өргөдөл гаргах үйл явц, шалгуур үзүүлэлтүүд, эсээ бичих арга барил болон шалгалтад бэлтгэх стратегийн талаар дэлгэрэнгүй мэдээлэл өгөв.Хамтран ажилласан байгууллагууд, эцэг эх, асран хамгаалагчдадаа баярлалаа. 
“Making a Better World 2025” төсөлт хичээл
2024-2025 оны хичээлийн жилд суралцагчид багаараа хамтран, “Making a Better World” сэдвийн хүрээнд тулгамдаж буй асуудлаа тодорхойлон, эзэмшсэн мэдлэг, чадвараа ашиглан тодорхой төслүүдийг хэрэгжүүлэхийн зэрэгцээ туршилт, судалгаа хийх аргa зүйд суралцлаа. Энэ үйл явц нь тэднийг асуудал шийдвэрлэх, багаар ажиллах, шүүмжлэлт болон бүтээлч сэтгэлгээгээ хөгжүүлэх, зөөлөн ур чадвараа сайжруулахад дэмжлэг үзүүлдэг. Мөн суралцагчдад бие даан суралцах, эрүүл дадал хэвшүүлэх, эерэг хандлагатай, хариуцлагатай иргэн болон төлөвших боломжийг олгоно. Энэхүү “Making a Better World 2025” төсөлт хичээл хөтөлбөрийг 6-8, 9-10, 11-12 дугаар анги гэсэн 3 ангиллаар зохион байгууллаа.
Төсөлт хичээл хөтөлбөрийн II шатны шалгаруулалтыг 2025 оны 3 дугаар сарын 13, 14, 15-ны өдрүүдэд ОУХНЦ-т амжилттай зохион байгууллаа. Олон улсын ‘’Global Perspectives’’ хөтөлбөрийн хүрээнд 6-8 дугаар ангийн 145 суралцагч 15 чиглүүлэгч багшийн дэмжлэгтэйгээр 16 төсөл хэрэгжүүлж, II шатны шалгаруулалтад 6 төсөл шалгарлаа.
“Cambridge Upper Secondary – Science Competition” хөтөлбөрийн хүрээнд 9-10 дугаар ангийн суралцагчид шинжлэх ухааны судалгааны төсөл хэрэгжүүлсэн бөгөөд нийт 16 багаас 8 баг II шатанд шалгарлаа.
“Cambridge International Project” хөтөлбөрийн хүрээнд 11-12 дугаар ангийн 89 суралцагч 6 чиглүүлэгч багшийн дэмжлэгтэйгээр 13 төсөл хэрэгжүүлж, II шатны шалгаруулалтад 7 баг үлдэж төслөө танилцуулсан юм. 11Б ангийн суралцагч Ш.Анар ахлагчтай, химийн Ж.Батхишиг чиглүүлэгч багштай “Making the casein supplement from skim milk” төслийн баг “International Students Science Fair 2025” үйл ажиллагаанд шалгарсан шилдэг илтгэлээ танилцуулсан бөгөөд “Мөнгөн өргөмжлөл”-ийн болзлыг 8 баг хангасан байна.
Төсөлт хичээлийн видео
Мэндчилгээ
Олон улсын хөтөлбөрийн сургалттай “Шинэ эхлэл” сургуулийн багш, ажилтан, суралцагч, эцэг эх, асран хамгаалагчид болон хамтран ажилладаг байгууллагууддаа айлчлан ирж буй, XVII жарны модон могой жилийн баярын мэнд хүргэе. Элгээрээ энх амгалан, төрлөөрөө түвшин амгалан, сар шинэдээ сайхан шинэлээрэй.
Волейболын аварга шалгаруулах тэмцээн – 2025
“Шинэ эхлэл” ОУХСС-ийн аварга шалгаруулах волейболын тэмцээн VIII-IX, X-XII анги гэсэн хоёр ангиллаар, холимог төрлөөр болж, дүнгээ гаргалаа.
Тэмцээний дүн:
8-9-р ангийн ангилалГ.Цэрэндолгор багштай 9А ангиС.Сүнжигмаа багштай 9Б анги
Тэгш тоглогч /Эр/: М.Хасутөр /9А анги/ Тэгш тоглогч /Эм/: Т.Учрал /9Б анги/
10-12-р ангийн ангилалЖ.Баясгаланлхам багштай 10Б ангиЖ.Батхишиг багштай 11Б ангиЭ.Гантуяа багштай 12Б анги Тэгш тоглогч /Эр/: Н.Эрхэс /10Б анги/ Тэгш тоглогч /Эм/: У.Ариунзаяа /12Б анги/Сургуулийн аварга шалгаруулах тэмцээнд амжилттай оролцсон суралцагчид, шалгарсан баг, тамирчид, зохион байгуулж, дэмжиж хамтран ажилласан багш, ажилтан, эцэг эх, асран хамгаалагчдадаа талархал илэрхийлье.
Ажлын байрны зар
“Шинэ эхлэл” олон улсын хөтөлбөртэй, төрийн өмчит сургууль дараах ажлын байрны сонгон шалгаруулалтад урьж байна.
1. Эмч
2. Байгалийн ухааны лаборант
MonRobot Challenge – 2025
Хүүхэд залуучуудын шинжлэх ухаан, технологи, инженерчлэлийн боловсролыг дэмжих, техник сэтгэлгээ, робот сонирхогчдыг хөгжүүлэх, туршлага солилцох зорилготой “MonRobot Challenge 2025” тэмцээн 02-р сарын 15-ны өдөр ”Шинэ эрин” олон улсын сургууль дээр амжилттай болж, дүнгээ гаргалаа.
Тус тэмцээний “Регби тоглодог роботууд” төрөлд 12Б ангийн суралцагч С.Ананд, Б.Бишрэл, Х.Мөнх-Очир нарын бүрэлдэхүүнтэй “One Yurt” баг 2-р байрт шалгарч, мөнгөн шагнал хүртлээ. Мөн “Шугам дагадаг робот”, “Лего сумо”, “Unknown mission”, “Регби тоглодог роботууд” төрлүүдэд 8 суралцагч амжилттай оролцлоо. Амжилттай оролцсон багш, суралцагчдадаа баяр хүргэж, улам их амжилтыг хүсье.
International Students Science Fair 2025
2025 оны 01 сарын 26-наас 31-ний өдрүүдэд Тайландын Вант улсын Бангкок хотын Махидол Виттаяанусорн сургуульд зохион байгуулсан “International Students Science Fair 2025” арга хэмжээнд “Шинэ эхлэл” сургуулийн баг амжилттай оролцлоо. Тус арга хэмжээнд Олон улсын шинжлэх ухаанч сургуулиудын холбооны гишүүн 18 орны 42 сургуулийн 214 суралцагч, багш нар шинжлэх ухааны судалгааны ажлаараа оролцсон бөгөөд “Шинэ эхлэл” сургуулиас 11Б ангийн суралцагч Ш.Анар, М.Хонгорзул, 10Б ангийн суралцагч Т.Маралжин, багш Г.Оюун, захирал Н.Оюунгэрэл нар оролцлоо.
Суралцагчид Ж.Батхишиг багшийн удирдлага дор судалсан “Making the Casein Supplement from Skim Milk” сэдэвт судалгааны ажлыг аман болон постер илтгэл хэлбэрээр танилцуулж, “Innovative Project Award” шагнал хүртсэн. Мөн судалгааны ажлын агуулгыг илэрхийлсэн “Art of Science” төрөлд 11Б ангийн суралцагч Э.Бадрахын “Alchemies of Kindness” бүтээл хүрэл медаль хүртлээ. Мөн суралцагчид хамтран байгалийн ухааны туршилт хийж, соёлын болон экскурс хичээлүүдэд хамрагдаж, багш нар туршлагаа хуваалцаж, хэлэлцүүлэг өрнүүлэн, сургалт хийлээ.
Биднийг дэмжин тусалсан эцэг эх, асран хамгаалагчдад болон ШУТИС-ийн Үйлдвэрлэлийн технологийн сургуулийн Б.Майзул эрхлэгчтэй Биотехнологи, шим тэжээлийн тэнхимийн хамт олонд баярлалаа.
