Олон улсын хөтөлбөрийн сургалттай 52 сургууль оролцсон “ULAANBAATAR FINE ARTS FESTIVAL 2026” тэмцээн амжилттай болж, дүнгээ гаргалаа. 12Б ангийн суралцагч Э.Баярсайхан, Б.Нандингоо нар Г.Галмандах багшийн удирдлага дор оролцож, 
хүрэл медаль хүртлээ. 
Амжилттай оролцсон суралцагчдадаа баяр хүргэж, амжилт хүсье. Мөн шавь нараа амжилттай бэлтгэсэн Г.Галмандах багшдаа баяр хүргэе. 
Олон улсын хөтөлбөрийн сургалттай “Шинэ эхлэл” сургуулийн багш, ажилтан, суралцагч, эцэг эх, асран хамгаалагчид болон хамтран ажилладаг байгууллагууддаа айлчлан ирж буй, XVII жарны гал морин жилийн баярын мэнд хүргэе. Элгээрээ энх амгалан, төрлөөрөө түвшин амгалан, сар шинэдээ сайхан шинэлээрэй.
“Сүрээр дарагч” хэмээх гал морин жилийн сар шинийн баярын босгон дээр эрхэлсэн ажилдаа амжилт гарган, эрдэм билиг, хичээл зүтгэл, олон жилийн хөдөлмөрөө төрдөө үнэлүүлж, төрийн дээд шагнал “Алтан гадас одон”-оор англи хэлний багш Б.Баяртсайхан шагнууллаа. Төрийн дээд шагналаа гардан авсан багшдаа аз жаргал, эрүүл энх, сайн сайхан бүхнийг хүсэн ерөөе.
Тус үйл ажиллагаа нь сургуулийн нийт суралцагчдын монгол өв соёлын талаарх мэдлэг, ойлголтыг нэмэгдүүлэх, Монгол хүн, Монгол үндэстний дархлаа болсон өв соёлоо хадгалан хамгаалах, уламжлан хөгжүүлэхэд дэмжлэг үзүүлэх зорилготойгоор, 2026 оны 02-р сарын 12-ны өдөр зохион байгуулагдлаа.“Өв соёлоосоо өвлөн суралцъя – 2026” үйл ажиллагааг дараах 6 өртөөгөөр явууллаа. Үүнд:
Монгол түмний уламжлалт тоглоом болох шагайн наадгай Эртний хөлөгт тоглоом 
Монгол гэрийн уламжлалт соёл, иж бүрдэлтэй танилцах, монгол гэр барих, Монгол хээ, угалзын учир утгыг танин мэдэх, зурах, будах Уран бичлэгээр бичих 
Оньсон тоглоомоор тоглох 
“Шинэ эхлэл” ОУХСС-ийн аварга шалгаруулах волейболын тэмцээн VIII-IX, X-XII анги гэсэн хоёр ангиллаар болж, дүнгээ гаргалаа.
8-9-р ангийн ангилал
Эр
Т.Очирпүрэв багштай 9А анги
Б.Болортуяа багштай 9Б анги Тэгш тоглогч: Б.Эрдэнэбэлэг /9А анги/ЭмТ.Очирпүрэв багштай 9А ангиБ.Болортуяа багштай 9Б анги Тэгш тоглогч: Э.Энхзол /9Б анги/
10-12-р ангийн ангилалЭрЖ.Баясгаланлхам багштай 11Б ангиЖ.Батхишиг багштай 12Б ангиС.Сүнжигмаа багштай 10Б анги Тэгш тоглогч: Б.Бат-Ирээдүй /12Б анги/ЭмЖ.Баясгаланлхам багштай 11Б ангиС.Сүнжигмаа багштай 10Б ангиЖ.Батхишиг багштай 12Б анги Тэгш тоглогч: М.Үрэл /11Б анги/ Сургуулийн аварга шалгаруулах тэмцээнд амжилттай оролцсон суралцагчид, шалгарсан баг, тамирчид, зохион байгуулж, дэмжиж хамтран ажилласан багш, ажилтан, эцэг эх, асран хамгаалагчдадаа талархал илэрхийлье.
6-7-р ангийн ангилалА.Эринхүү /7Б анги/Э.Амирлан /7Б анги/Б.Бат-Эрдэнэ /7Б анги/ 8-9-р ангийн ангилалУ.Намуун /8Б анги/Б.Мөнхтулга /9Б анги/Б.Туяамаа /8Б анги/
10-12-р ангийн ангилалХ.Элбэгсайхан /12А анги/Т.Учрал /10Б анги/Э.Намуунаа /12А анги/
Шинэ Эхлэл, Шинэ Эрин сургуулиудын 11-р ангийн суралцагчид болох Х.Оюунхишиг, Р.Ариунзаяа, Ч.Мөнхтөмөр, С.Ананд, Ж.Саруулбуян нар Монгол Экологи төвөөс хэрэгжүүлдэг “Teen Хуралдай” байгальд ээлтэй залуусын чуулганы жишиг хувилбар болох “Mini Youth Power NBIS-NEIS” анхдугаар чуулганыг өөрсдийн сургуулиудын ахлах ангийн суралцагчдын дунд амжилттай зохион байгууллаа.
Энэхүү чуулганд “Нийгмийн эрүүл мэнд судлал ба вакцин” болон “Хиймэл оюун ухаан” сэдэвт 2 илтгэл тавигдсанаас гадна оролцогчид 13-р зууны их хуралдайн зарчмаар 5 багт хуваагдан, өөрсдийн авсан сэдвийн хүрээнд сурч буй сургуулиудынхаа ойр орчим дахь байгаль орчинд тулгамдаж буй асуудлуудыг тодорхойлон, микро түвшний шийдлүүд боловсруулснаас гадна цаашлаад макро түвшинд хэрэгжих боломжит санаачилгуудыг дэвшүүлэн дуу хоолойгоо нэгтгэж, тунхаг бичиг боловсрууллаа.
Хүүхэд залуучуудын шинжлэх ухаан, технологи, инженерчлэлийн боловсролыг дэмжих, дрон, робот сонирхогчдыг хөгжүүлэх, туршлага солилцох зорилготой “MonRobot Challenge 2026” тэмцээн 01-р сарын 25-ны өдөр ”Монгол тэмүүлэл” ОУХСС дээр амжилттай болж, дүнгээ гаргалаа. Тус тэмцээнд “Шинэ эхлэл” ОУХСС-иас “Шугам дагадаг робот”, “Лего сумо”, “Мини сумо”, “FLL Unknown Mission”, “Регби тоглодог роботууд”, автомат болон радио удирдлагатай Дроны төрлүүдэд 15 суралцагч амжилттай оролцлоо. Автомат удирдлагатай Дроны төрөлд 9А ангийн суралцагч Ц.Тэнгис, 8Б ангийн суралцагч Б.Хас-Эрдэм нарын бүрэлдэхүүнтэй “Fly High” баг 2-р байранд, 6Б ангийн суралцагч Х.Бүүвэйбаатарын “NBIS-Tello” баг 3-р байранд, 6А ангийн суралцагч Б.Сайханбилэгийн “Big Brains” баг 4-р байранд шалгарлаа. Мөн “Регби тоглодог роботууд” төрөлд 11А ангийн суралцагч Г.Нямбаяр, 11Б ангийн суралцагч М.Пүрэвбат, 10Б ангийн суралцагч М.Мөнххүслэн нарын бүрэлдэхүүнтэй “Leopard” баг 3-р байранд шалгарлаа. Амжилттай оролцсон багш, суралцагчдадаа баяр хүргэж, улам их амжилтыг хүсье.
