6-7-р ангийн ангилал /волейбол буухиа/
7А анги
6Б анги
7Б анги
8-9-р ангийн ангилал9Б анги9А анги8А анги
Шилдэг тоглогч: Г.Идэрхангай /9Б анги/, М.Наранзаяа /9Б анги/
10-12-р ангийн ангилалЭр12Б анги12А анги10А анги Шилдэг тоглогч: М.Тэмүүлэн /12Б анги/, М.Номунаа /10А анги/
“Korea Robot Championship 2019” тэмцээнд оролцохоор ирсэн суралцагчид БНСУ-д үйл ажиллагаа явуулдаг Монгол сургуультай танилцлаа. Тус сургууль нь анх 5 суралцагчтай үйл ажиллагаагаа эхэлж байсан бол өдгөө 300 гаруй суралцагчидтай болжээ. Мөн БНСУ-ын дунд сургуулиар айлчлан, сургалтын орчин, багш нарын бүрэлдэхүүнтэй танилцан, байгалийн ухааны хичээлүүдийн лабораториудтай танилцлаа. Үдээс хойш Шинжлэх ухааны музей үзэн, шинжлэх ухааны туршилтын хөтөлбөрүүдэд хамрагдав.
2018-2019 оны #Korea_Robot_Championship_FLL #Junior, #FLL,#FTC тэмцээний FLL төрөлд “Шинэ эхлэл” болон Дархан-Уул аймгийн “Оюуны ундраа” цогцолбор сургуулиудаас тус бүр нэг баг тэмцээний даалгавар, төслийн судалгаа, багийн танилцуулга, робот дизайн гэсэн шалгууруудаар нийт 100 гаруй багтай өрсөлдөж, амжилттай оролцлоо. Сургуулийн зүгээс Монголын роботын боловсролын нийгэмлэгтэй хамтран уламжлал болгон зохион байгуулдаг гадагшаа чиглэсэн үйл ажиллагааны нэг хэсэг болох робот технологийн боловсролын сайн дурын үйл ажиллагааг дэмжин, хамтран ажилладаг эцэг эх, асран хамгаалагчдадаа баярлалаа.
Олон улсын хөтөлбөрийн сургалттай, төрийн өмчит, ерөнхий боловсролын “Шинэ эхлэл” сургуулийн 8, 9-р ангийн суралцагчдын дунд, ГХЗАН-ээс “Cultural celebration” үйл ажиллагааг зохион байгууллаа. Суралцагчид “Mickey’s Christmas Carol” хүүхэлдэйн киног үзэж, зул сарын мэндчилгээ хийж, “Grandma got run over by a reindeer”, “Xin nian hao” зэрэг дуунуудыг сурч, БНХАУ-аас уригдан ирж ажиллаж буй мэргэжилтэн багш Жан Шүэ-гийн хийсэн хятад хоолноос амтлан, үндэсний хувцас, шүхэр, тэвэг, үнэртний уут, савх, “Fu” үсгийн утга учир, бусад орнуудын шинэ он угтах өвөрмөц зан заншил зэрэгтэй танилцаж, Америк, Их Британи зэрэг барууны орнуудын “Зул сарын баяр” болон Хятадын ард түмний шинэ он угтах уламжлал зэргийг харьцуулан, зан заншлаас суралцлаа. Уг үйл ажиллагаанд 83 суралцагч амжилттай оролцлоо.
2018-2019 оны хичээлийн жилийн сагсан бөмбөгийн аварга шалгаруулах тэмцээн амжилттай боллоо.
Тэмцээний дүн:
6-7-р ангийн ангилал
У.Мөнх-Очир багштай 7А ангийн хөвгүүдийн баг тэргүүн байрт,
Б.Батцэцэг багштай 7Б ангийн хөвгүүдийн баг дэд байрт,
Э.Гантуяа багштай 6Б ангийн охидын баг тэргүүн байрт,
У.Мөнх-Очир багштай 7А ангийн охидын баг дэд байрт тус тус шалгарлаа.
Шилдэг тоглогчоор
7А ангийн суралцагч Н.Эрхэс, 6б ангийн суралцагч Г.Номин-Өлзий нар шалгарлаа.
8-9 ангийн ангилалд
Ж.Мөнхсайхан багштай 9Б ангийн хөвгүүдийн баг тэргүүн байрт,
Б.Цэнд багштай 9А ангийн хөвгүүдийн баг дэд байрт,
Л.Чулуунням багштай 8А ангийн охидын баг тэргүүн байрт,
Ж.Мөнхсайхан багштай 9Б ангийн охидын баг дэд байрт тус тус шалгарлаа.
Шилдэг тоглогчоор
9Б ангийн суралцагч Г.Мишээл, 8А ангийн суралцагч Э.Номин-Эрдэнэ нар тодорлоо.
Богд Хан уулын ноён оргил “Цэцээ гүн”-ий оргилд аялах аяллыг БУЗАН-ээс сургуулийн Эцэг эхийн зөвлөл, “JCI Nomadic” байгууллагатай хамтран зохион байгууллаа. Тус аяллыг 8 дэх жилдээ амжилттай зохион байгуулж байна. Энэ удаагийн аялалд 258 суралцагч, 24 багш, ажилтан, “Жэй Си Ай Номадик” байгууллагын 5 гишүүн, нийт 287 хүн хамрагдлаа.
Аяллын зорилго: Бүх нийтийн биеийн тамираар хичээллэж, идэвхтэй хөдөлгөөнөөр эрүүл мэндээ дэмжих, цэвэр агаарт алхах, анги хамт олны нөхөрсөг, эвсэг уур амьсгалыг бүрдүүлэх, зөв зохистой аялж, байгалиа танин мэдэхийн зэрэгцээ хайрлан хамгаалах, тухайн газар нутгийн түүх, домгийг танин мэдэх.
Энэ зорилгийн хүрээнд Богд Хан уулын түүх, домог болон тэр орчмын газар нутгийн тухай мэдээллийг БУЗАН-ээс аялалд хамрагдсан бүх хүмүүст хүргэсэн. Мөн дэлхий нийтээр нэг өдөр зохион байгуулсан “Эх дэлхийгээ цэвэрлэе” аяны хүрээнд аялал, алхалтын турш суралцагчид, багш, ажилтнууд замдаа тааралдсан хогийг түүж, Цэцээ гүний ойр орчмын хогийг цэвэрлэж, Дэлхий ээжээ хамгаалав.
Шинэ Эхлэл сургуулийн Шинжлэх ухааны судалгааны баг хамт олон “Олон улсын шинжлэх ухаанч сургуулиудын холбоо”-оос зохион байгуулдаг International Students’ Science Fair олон улсын арга хэмжээнд “Монгол хонины сүүлний уургийн нийлэмж” шинжлэх ухааны судалгааны илтгэлээр АНУ-ын Чикаго хотод 2018.06.24-2018.07.02-ны өдрүүдэд оролцсон билээ.
Тус арга хэмжээний үеэр University of Chicago (UIC)-д зочилж ОУИСХолбооны төлөөлөлтэй уулзаж, сургуулиа танилцуулж байсан юм. Өнөөдөр түүний мөрөөр Америкийн 12 олон улсын их сургуулиудын хамтарсан холбоо болох International University of Alliance (IUA)-ийн Хойд Азийн бүс хариуцсан менежер хатагтай Keera Smith гадаад оюутнуудыг элсэн суралцахад нь бодитоор дэмжих бодлого, зорилтынхоо хүрээнд 2018 оны 09-р сарын 14-ний өдөр “Шинэ Эхлэл” сургуульд хүрэлцэн ирж, хамтын ажиллагааны талаар халуун яриа өрнүүлсэн төдийгүй 12-р ангийн суралцагчдад танилцуулга илтгэл тавилаа.
Энэхүү уулзалтаар тэрээр манай төгсөгчдөд IUA холбооны их дээд сургуулиуд руу элсэн суралцахад томоохон дэмжлэгүүдийг үзүүлэхээ амлалаа. Үүнд:
Хамтын ажиллагааны хүрээнд манай сургуулийн төгсөгчид АНУ-ын их дээд сургуулиудад суралцан, дэлхийн хэмжээний боловсролыг эзэмшихэд нэг алхмаар ойртлоо.
