Мэдээ

48987173_2050092655082336_5813665528547377152_n

December 24 2018

Cultural celebration

Олон улсын хөтөлбөрийн сургалттай, төрийн өмчит, ерөнхий боловсролын “Шинэ эхлэл” сургуулийн 8, 9-р ангийн суралцагчдын дунд, ГХЗАН-ээс “Cultural celebration” үйл ажиллагааг зохион байгууллаа. Суралцагчид “Mickey’s Christmas Carol” хүүхэлдэйн киног үзэж, зул сарын мэндчилгээ хийж, “Grandma got run over by a reindeer”, “Xin nian hao” зэрэг дуунуудыг сурч, БНХАУ-аас уригдан ирж ажиллаж буй мэргэжилтэн багш Жан Шүэ-гийн хийсэн хятад хоолноос амтлан, үндэсний хувцас, шүхэр, тэвэг, үнэртний уут, савх, “Fu” үсгийн утга учир, бусад орнуудын шинэ он угтах өвөрмөц зан заншил зэрэгтэй танилцаж, Америк, Их Британи зэрэг барууны орнуудын “Зул сарын баяр” болон Хятадын ард түмний шинэ он угтах уламжлал зэргийг харьцуулан, зан заншлаас суралцлаа. Уг үйл ажиллагаанд 83 суралцагч амжилттай оролцлоо.

48367537_2217225528310614_5806017218290384896_n

December 1 2018

“STEM PROJECT-2018” төсөлт хичээл

Newbeginning Мэдээ, Сурагчдын зөвлөл 0

Олон улсын хөтөлбөрийн сургалттай, төрийн өмчит, ерөнхий боловсролын “Шинэ эхлэл” сургууль 2018-2019 оны хичээлийн жилийн урлагийн наадмыг төсөлт хичээлийн хамт Олон улсын хүүхдийн Найрамдал цогцолбор дээр амжилттай зохион байгууллаа.

Урлагийн наадамд

IX-XII ангийн ангилалд Б.Цэнд багштай 9А анги I дүгээр байрт,

VI–VIII ангийн ангилалд Б.Нямсүрэн багштай 6А анги I байрт тус тус шалгарлаа.

Stem Project – 2018 төсөлт хичээлийн хүрээнд

Нийгмийн ухааны багш Г.Түвшинжаргалын чиглүүлсэн “Монгол сур, сурыг боловсруулах” төсөл- Тэргүүн байрт,
Физикийн багш У.Мөнх-Очирын чиглүүлсэн “Сэргээгдэх эрчим хүч” төсөл- Дэд байрт,
Биологийн багш Э.Гэрэлтуяагийн чиглүүлсэн “Эко бордоо гарган авах боломж” төсөл- Гутгаар байрт,
Математикийн багш М.Уянгын чиглүүлсэн “Хуванцар савны хэрэглээг багасгах, ангилах боломж” төсөл- Тусгай байрт,
Химийн багш Ж.Батхишигийн чиглүүлсэн “Жимс жимсгэнийг хэрхэн сонгож, зохистой хэрэглэх боломж” төсөл-Тусгай байрт,
Бизнес судлалын багш Д.Солонгын чиглүүлсэн “Зар сурталчилгаа ба зохистой хэрэглээ” төсөл-Тусгай байрт тус тус шалгарлаа.

44888664_2150116335021534_232278638890844160_n

October 28 2018

Сагсан бөмбөгийн аварга шалгаруулах тэмцээн – 2018

Newbeginning Мэдээ 0

2018-2019 оны хичээлийн жилийн сагсан бөмбөгийн аварга шалгаруулах тэмцээн амжилттай боллоо.

Тэмцээний дүн:

6-7-р ангийн ангилал

У.Мөнх-Очир багштай 7А ангийн хөвгүүдийн баг тэргүүн байрт,

Б.Батцэцэг багштай 7Б ангийн хөвгүүдийн баг дэд байрт,

Э.Гантуяа багштай 6Б ангийн охидын баг тэргүүн байрт,

У.Мөнх-Очир багштай 7А ангийн охидын баг дэд байрт тус тус шалгарлаа.

Шилдэг тоглогчоор

7А ангийн суралцагч Н.Эрхэс, 6б ангийн суралцагч Г.Номин-Өлзий нар шалгарлаа.

8-9 ангийн ангилалд

Ж.Мөнхсайхан багштай 9Б ангийн хөвгүүдийн баг тэргүүн байрт,

Б.Цэнд багштай 9А ангийн хөвгүүдийн баг дэд байрт,

Л.Чулуунням багштай 8А ангийн охидын баг тэргүүн байрт,

Ж.Мөнхсайхан багштай 9Б ангийн охидын баг дэд байрт тус тус шалгарлаа.

Шилдэг тоглогчоор
9Б ангийн суралцагч Г.Мишээл, 8А ангийн суралцагч Э.Номин-Эрдэнэ нар тодорлоо.

42105873_2098165513549950_1600792795788869632_n

September 15 2018

Эко аялал – 2018

Newbeginning Мэдээ 0

Богд Хан уулын ноён оргил “Цэцээ гүн”-ий оргилд аялах аяллыг БУЗАН-ээс сургуулийн Эцэг эхийн зөвлөл, “JCI Nomadic” байгууллагатай хамтран зохион байгууллаа. Тус аяллыг 8 дэх жилдээ амжилттай зохион байгуулж байна. Энэ удаагийн аялалд 258 суралцагч, 24 багш, ажилтан, “Жэй Си Ай Номадик” байгууллагын 5 гишүүн, нийт 287 хүн хамрагдлаа.

Аяллын зорилго: Бүх нийтийн биеийн тамираар хичээллэж, идэвхтэй хөдөлгөөнөөр эрүүл мэндээ дэмжих, цэвэр агаарт алхах, анги хамт олны нөхөрсөг, эвсэг уур амьсгалыг бүрдүүлэх, зөв зохистой аялж, байгалиа танин мэдэхийн зэрэгцээ хайрлан хамгаалах, тухайн газар нутгийн түүх, домгийг танин мэдэх.

Энэ зорилгийн хүрээнд Богд Хан уулын түүх, домог болон тэр орчмын газар нутгийн тухай мэдээллийг БУЗАН-ээс аялалд хамрагдсан бүх хүмүүст хүргэсэн. Мөн дэлхий нийтээр нэг өдөр зохион байгуулсан “Эх дэлхийгээ цэвэрлэе” аяны хүрээнд аялал, алхалтын турш суралцагчид, багш, ажилтнууд замдаа тааралдсан хогийг түүж, Цэцээ гүний ойр орчмын хогийг цэвэрлэж, Дэлхий ээжээ хамгаалав.

September 14 2018

Олон улсын их сургуулидын холбоотой хамтран ажиллана

Newbeginning Мэдээ 0

Шинэ Эхлэл сургуулийн Шинжлэх ухааны судалгааны баг хамт олон “Олон улсын шинжлэх ухаанч сургуулиудын холбоо”-оос зохион байгуулдаг International Students’ Science Fair олон улсын арга хэмжээнд “Монгол хонины сүүлний уургийн нийлэмж” шинжлэх ухааны судалгааны илтгэлээр АНУ-ын Чикаго хотод 2018.06.24-2018.07.02-ны өдрүүдэд оролцсон билээ.

Тус арга хэмжээний үеэр University of Chicago (UIC)-д зочилж ОУИСХолбооны төлөөлөлтэй уулзаж, сургуулиа танилцуулж байсан юм. Өнөөдөр түүний мөрөөр Америкийн 12 олон улсын их сургуулиудын хамтарсан холбоо болох International University of Alliance (IUA)-ийн Хойд Азийн бүс хариуцсан менежер хатагтай Keera Smith гадаад оюутнуудыг элсэн суралцахад нь бодитоор дэмжих бодлого, зорилтынхоо хүрээнд 2018 оны 09-р сарын 14-ний өдөр “Шинэ Эхлэл” сургуульд хүрэлцэн ирж, хамтын ажиллагааны талаар халуун яриа өрнүүлсэн төдийгүй 12-р ангийн суралцагчдад танилцуулга илтгэл тавилаа.

Энэхүү уулзалтаар тэрээр манай төгсөгчдөд IUA холбооны их дээд сургуулиуд руу элсэн суралцахад томоохон дэмжлэгүүдийг үзүүлэхээ амлалаа. Үүнд:

Төгсөгчид аливаа зуучлалын байгууллагаар дамжуулалгүй IUA холбоогоор ямар ч төлбөргүйгээр шууд зуучлуулан холбогдох
Бүрэн дунд боловсролын гэрчилгээний үнэлгээний дундаж болон олон улсын англи хэлний шалгалтын оноог өөрсдийн системд хувирган тооцох
Богино хугацаанд сургуулийн урилгаа авах
Тэтгэлэгт хамрагдах боломжийг нэмэгдүүлэх
Сургуульдаа элсэн орсны дараа ч шинэ улсын амьдралын хэв маяг, сургуулын кампус, сургалт, хичээлдээ дасан зохицоход нь IUA холбооны мэргэжилтнүүд байнга зөвлөн ажиллах
Их сургуулиа төгсөөд АНУ-д ажлын карьераа эхлүүлэхэд тусалж, карьер хөгжлийн мэргэжилтэн 4 жилийн турш сургалт, зөвлөгөө хийж ажиллах.

Хамтын ажиллагааны хүрээнд манай сургуулийн төгсөгчид АНУ-ын их дээд сургуулиудад суралцан, дэлхийн хэмжээний боловсролыг эзэмшихэд нэг алхмаар ойртлоо.

40653599_2077358345630667_4516472636494053376_n

September 1 2018

2018-2019 оны хичээлийн жилийн нээлтийн үйл ажиллагаа

Newbeginning Мэдээ 0

#ХИЧЭЭЛИЙН_ШИНЭ_ЖИЛИЙН_БАЯРЫН_МЭНД_ХҮРГЭЕ!

2018-2019 оны хичээлийн шинэ жилийн нээлтийн үйл ажиллагаа амжилттай боллоо.

35922326_1957942384238931_8447453226663411712_n

June 20 2018

Элсэлтийн мэдээ

Newbeginning Мэдээ 0

Олон улсын хөтөлбөрийн сургалттай, төрийн өмчит, ерөнхий боловсролын “Шинэ эхлэл” сургуулийн 2018–2019 оны хичээлийн жилийн 6-р ангийн элсэлтийн шалгалтад тэнцсэн суралцагчдыг эцэг эх, асран хамгаалчагдын хамт хүлээн авч уулзлаа.

Үүгээр:

Шинээр элссэн суралцагчдын англи хэлний түвшинг тогтоож, энэ зуны хугацаанд 2 чиглэлээр түвшингээ ахиулах даалгавар өглөө. Үүнд зуны вакум сургалтыг олон улсын хүүхдийн “Нарс” зуслан дээр, танхимын сургалтыг “English Storm” сургалтын төв дээр сургуулийн эцэг эхийн зөвлөлтэй хамтран зохион байгуулна.
Сургуулийн цаашдын бодлого, сургалтын хөтөлбөр, үйл ажиллагаа болон суралцагчдыг хэрхэн дэмжиж, хамтран ажиллах талаар эцэг эх, асран хамгаалагчдад мэдээлэл өгөв.
Энэ удаагийн элсэлтэд нийт 27 сургуулиас суралцагчид элсэн орсон нь бага боловсролын сургалтын түвшин харьцангуй ойролцоо байгааг харуулж байна.

Амжилттай элссэн суралцагчдадаа болон тэдний эцэг эх, асран хамгаалагчид, бэлтгэсэн багш нарт баяр хүргэе.

464624633_8932272426805857_1019362134376071664_n

June 24 2015

Улаан-Үд, Байгаль нуур, Сайханы хөтөл, Ээж модны аялал

Newbeginning Мэдээ 0

Манай сургуулийн багш, ажилтнууд хамт олноороо зуны аялал хийж, байгалийн сайханд амарч, шинэ эрч хүчээр цэнэглэгдлээ. Аялалын хүрээнд хамт олон өдөр, хоногуудыг хөгжилтэй, дурсамж дүүрэн өнгөрүүлж, багийн уур амьсгал, хамтын ажиллагаагаа бэхжүүлсэн юм.

Аяллын үеэр багийн хөгжөөнт тоглоом, танин мэдэхүйн хөтөлбөр, спортын арга хэмжээнүүд зохион байгуулагдаж, багш, ажилтнуудын нөхөрлөлийг улам гүнзгийрүүлсэн онцгой өдрүүд байлаа. Мөн байгалийн үзэсгэлэнт газруудаар аялан, мартагдашгүй дурсамж үлдээсэн сайхан аялал боллоо.

Энэхүү аяллыг зохион байгуулсан хамт олон болон идэвхтэй оролцсон бүх багш, ажилтнууддаа талархал илэрхийлье. Цаашдаа бид хамтдаа улам олон сайхан арга хэмжээ зохион байгуулж, эрч хүчээ сэлбэх болно.